Ўзбекистон, Тошкент – Batafsil.uz. Ўзбекистонда 1 апрелдан бошлаб қонунчиликка бир қатор янги ўзгартириш ва қўшимчалар кучга киради. Бу ҳақда “Норма" ҳуқуқий порталига таяниб, мухбиримиз хабар бермоқда. Хусусан, янгиликлар қуйидагилардан иборатдир.
Тадбиркорлар хўжалик субъектларининг барқарорлиги рейтингидаги мавқеига қараб субсидиялар, имтиёзлар ва преференция оладилар
Рейтинг солиқ қўмитасининг "Тадбиркорларнинг барқарорлиги рейтинги" электрон платформасида автоматик равишда (онлайн) шакллантирилади ва Саавдо-саноат палатасининг расмий веб-сайтида эълон қилинади.
"Тўсиқсиз" меҳмонхоналар ҳар бир хона учун 1 миллиондан 2 миллион сўмгача субсидия олади
2026 йил 1 апрелгача меҳмонхоналарда ногиронлиги бўлган шахслар учун ногиронлар аравачасидан фойдаланиш имконияти билан жиҳозланган камида учта хона бўлса, субсидиялар олишлари мумкин бўлади. Шунингдек, дисплейлар ва овозли қурилмалар ўрнатилади. Шу тарзда жиҳозланган ҳар бир хона учун 1 миллиондан 2 миллион сўмгача субсидия берилади.
Маҳаллий электротехника саноати давлат харидлари учун имтиёзлар олади
Хорижий етказиб берувчилар билан бир қаторда давлат харидларида иштирок этадиган маҳаллий электр маҳсулотларини ишлаб чиқарувчилар импорт қилинадиган товарларнинг DDP (етказиб бериш шартномасида кўрсатилган товарларнинг қиймати) нархидан қуйидаги миқдорларда имтиёзларини олишади:
-
15% – 3 ёки ундан ортиқ маҳаллий ишлаб чиқарувчилар иштирок этса;
-
12% – 2 та маҳаллий ишлаб чиқарувчилар иштирок этсада;
-
8% – 1 та маҳаллий ишлаб чиқарувчи иштирок этса.
Йирик солиқ тўловчилар учун электрон счёт-фактуралар жорий этилади
Йирик солиқ тўловчилар учун товар-транспорт счёт-фактураларини электрон расмийлаштириш, сақлаш ва ҳисобга олиш тизими жорий этилмоқда.
Агар “ахлатни чиқариш” учун қарз бўлса, кўчмас мулк ва автомобилларни нотариал рўйхатдан ўтказишни рад этилади
Кўчмас мулк ва автотранспорт билан боғлиқ битимларнинг нотариал тасдиқланишини фақат фуқароларнинг қаттиқ маиший чиқиндиларни йиғиш ва олиб чиқиш хизматлари учун қарзлари бўлмаган тақдирда олиш мумкин бўлади.
Мусодара қилинган молларни сотишга фақат электрон мониторинги бўлган субъектларга рухсат берилади
Суд ҳужжатлари ва бошқа идорларнинг ҳужжатларини мажбурий ижро этиш доирасида мол-мулкни комиссия–шартнома асосида сотиш фақат жараёнларни масофадан туриб мониторинг қилишнинг электрон тизимини жорий этган ташкилотларга рухсат берилади.
“Инсон” ижтимоий хизматлар марказлари пуллик хизматларни ҳам тақдим этади
"Инсон" ижтимоий хизматлар марказларида ва Ижтимоий ҳимоя миллий агентлиги тизимидаги тиббий-ижтимоий муассасаларда шартнома асосида пуллик хизматлар тизими жорий этилмоқда.
Баъзи ҚҚС имтиёзлари бекор қилинади
Булар тиббий, ветеринария, дори воситалари ва коммунал хизматларни сотишда ҚҚС бўйича имтиёзлардир.
Алимент учун онлайн ариза топшириш мумкин
Янги давлат хизмати ёрдамида кам таъминланган оилалар алимент ва моддий ёрдам тайинлаш учун онлайн ариза топширишлари мумкин.
Банкларнинг устав фондининг энг кам миқдори оширилади
2024 йил 1 апрелдан бошлаб бу миқдор 350 миллиард сўмни ташкил этади.
IT -паркнинг баъзи резидентлари ортиқча қоғозбозликдан озод қилинади
Тажриба тариқасида халқаро платформаларда рақамли хизматлар кўрсатиш учун экспорт шартномаларини расмийлаштиришга рухсат берилади.
IT -Парк резидентлари томонидан 100 минг долларгача бўлган рақамлаштириш соҳасидаги хизматларни экспорт қилиш бўйича тузилган шартномалар (битим, ҳисоб-фактура, инвойс) электрон ҳужжат сифатида тан олинади, уларнинг қоғоз нусхаси талаб қилинмайди.
Иккинчи фарзанд учун нафақа ҳаммага ҳам берилмайди
Давлат томонидан тўланадиган бир марталик нафақа:
-
биринчи бола учун-барча аёлларга тайинланади;
-
иккинчи бола учун-фақат бола туғилганда аёл ёки бошқа оила аъзолари Ижтимоий ҳимоянинг ягона реестрига киритилган тақдирда берилади.
Янги маданий лойиҳалар ишга туширилмоқда
Улар орасида:
-
"Маданият тўлқинлари" медиа лойиҳаси. Танлов доирасида жамоатчилик томонидан ижобий қабул қилинган энг юқори даражадаги медиа-маҳсулотлар ғолиблари 50 миллион сўм мукофот билан тақдирланади;
-
ижтимоий тармоқларда 500 мингдан ортиқ обуначилари бўлган ва аҳоли орасида машҳур шахслар иштирокидаги "Юлдуз билан саёҳат" лойиҳаси.
Изоҳлар мавжуд емас