Ўзбекистон, Тошкент – Batafsil.uz. Европа Иттифоқи вакиллари умумий ҳажми 3,5 миллион евро бўлган грант ажратилишини эълон қилишган. Маблағлар 2024-2026 йилларда Ўзбекистонда саккизта лойиҳани амалга оширишга йўналтирилади. Бу ҳақда мухбиримиз хабар бермоқда.
"Фуқаролик жамияти ва давлат ҳамкорлари билан биргаликда демократия ва тинч жамият равнақи учун зарур бўлган плюрализм ва инклюзивликка ҳисса қўшмоқдамиз", - деди Европа Иттифоқининг Ўзбекистондаги элчиси Шарлотта Адриан.
Лойиҳаларнинг устувор йўналишлари сифатида фуқаролик жамияти, айниқса аёллар, ёшлар ва заиф гуруҳларнинг имкониятларини кенгайтириш, тенглик, ишончни ошириш ва муҳтожларга мослашишга ёрдам бериш танланган.
Эслатиб ўтамизки, январ ойида президент Шавкат Мирзиёев Европа комиссияси вице-президенти Маргаритис Схинас билан биргаликда Европа Иттифоқи иштирокида кўп қиррали ҳамкорликни янада кенгайтириш масалаларини кўриб чиққан эди.
Изоҳлар мавжуд емас