Ўзбекистон, Тошкент – Batafsil.uz. Адлия вазирлиги мутахассислари Uzum Market, Olcha ва Glotr маҳаллий маркетплейсларида юзлаб контрафакт маҳсулотларни аниқлади.
Вазирлик маълумотларига кўра, мониторинг давомида Uzum Market да 220 га яқин, Olcha ва Glotr да 50 тадан қалбаки маҳсулот сотилгани аниқланган.
Контрафакт кўпинча кийим-кечак, косметика ва маиший техника тоифаларида учрайди. Маҳсулотлар Puma, Lacoste, Adidas, Chanel, Eclat, Gucci, Samsung, Bosch ва бошқа таниқли брендлар остида тақдим этилган.
Ҳуқуқ эгаларининг мурожаатларига кўра, Uzum Market аллақачон интеллектуал мулк ҳуқуқларини бузувчи маҳсулотларнинг бир қисмини олиб ташлаган. Қолган ҳолатлар бўйича маълумотлар бренд эгаларига юборилади ва уларнинг расмий жавоби олингандан сўнг тегишли чоралар кўрилади.
Адлия вазирлиги тадбиркорларни интеллектуал мулк ҳуқуқларининг бузилиши ҳақида хабар беришга чақирди.
Аввалроқ, Batafsil.uz мамлакатимизда маркетплейслар қандай қилиб янги қарамликка айлангани ҳақида сўзлаб берган эди.
Изоҳлар мавжуд емас