Мутахассислар: кескин совуқ туфайли пиёзнинг эрта ҳосили хавф остида  қолиши  мумкин. Бунинг яхши томонлари ҳам бор
Иқтисод

Мутахассислар: кескин совуқ туфайли пиёзнинг эрта ҳосили хавф остида қолиши мумкин. Бунинг яхши томонлари ҳам бор

24

Ўзбекистон, Тошкент – Batafsil.uz. Ҳавонинг кескин совуқлашиши Марказий Осиё мамлакатларида пиёз ҳосилининг бир қисмини йўқотишига олиб келиши мумкин. Айтиш жоизки, мутахассисларнинг фикрига кўра, бу ҳолат бозорга ижобий таъсир кўрсатиши ҳам мумкин. Бу ҳақда мухбиримиз хабар бермоқда.

Сўнгги пайтларда минтақамизда об – ҳаво жуда илиқ эди. Кун давомида ҳаво ҳарорати 20 даражадан ошди. Натижада, кўп жойларда бодом гуллаши бошланган, бошқа данакли мева дарахтларнинг куртаклари ҳам кўриниш берган.

Бироқ, тез орада синоптиклар минтақада кескин совишини тахмин қилишмоқда. Ҳаттоки Тожикистоннинг Жанубий ҳудудларида минус 7-10 даражагача совуқ кутилмоқда, Ўзбекистон ва Қозоғистонда вазият янада ёмонлашади – тунги ҳарорат минус 12-13 даражага тушади, совуқ об-ҳаво кундузи ҳам сақланиб қолади.

EastFruit  мутахассисларининг таъкидлашича, бу Ўзбекистон, Қозоғистон ва Тожикистонда эрта пиёз ҳосилига таҳдид солмоқда. Ушбу мамлакатлар ҳозирда минтақадаги ушбу сабзавотларнинг энг йирик экспортчилари ҳисобланади. Бундан ташқари, бу пиёз сифатининг пасайишига ва   ҳосилни кеч йиғиб олинишга олиб келиши мумкин.

Мутахассисларнинг фикрига кўра, бундай совуқнинг пиёзга таъсири унинг нави, ривожланиш босқичига ва бошқа омилларга боғлиқ. Мева-сабзавот бизнеси бўйича халқаро эксперт Бахтиёр Абдувоҳидовнинг таъкидлашича, эрта пиёз аллақачон униб чиққан, шунинг учун об-ҳавонинг ёмонлашиши ҳосилнинг бир қисмини йўқотишига олиб келиши мумкин. Аммо пиёз захиралари, ҳатто иситилмайдиган хоналарда ҳам зарар кўрмаслиги керак.

Мутахассислар бу вазиятни ижобий деб билишади. Бу омборларда тўпланган маҳсулотларнинг катта захираларини сотиш учун бир неча қўшимча кунларни таъминлайди. Шунингдек, пиёз захираларини биноларда сақлаш учун мажбурий совутишдан фойдаланиш шарт бўлмайди.

Охир оқибат, бу Марказий Осиё мамлакатларининг пиёз бозоридаги кескинликни пасайтиради ва сабзавот нархини мустаҳкамлайди, чунки минтақадаги маҳсулот захиралари юқори бўлиб қолмоқда ва нархлар нисбатан паст.

Бундан ташқари, ҳароратнинг кескин пасайиши бошқа эрта сабзавотлар – карам ва сабзи, данакли мевалар ва ёнғоқлар ҳосилига зарар этказиши мумкинлиги қайд этилган. Уларнинг бозори нима бўлиши хусусида мутахассислар айтишмаган.

Мақоладан таъсирланиш
Ёқади
0
Таҳсинга лойиқ
0
Хурсандчилик
0
Ҳайрон бўлмоқ
0
Тушкунлик
0
Хомушлик
0
Ҳафсаласи пир бўлмоқ
0
Ёқмайди
0

0 изоҳлар

  • Изоҳлар мавжуд емас

Рухсат олинг Шарҳлар қолдириш мумкин бўлиши учун.


Бошқа янгиликлар

Юклаш...
18+