Ўзбекистон, Тошкент - Batafsil.uz. 2025 йил июнь ойида Тошкент шаҳридаги энг йирик супермаркетларда бир қатор озиқ-овқат маҳсулотлари нархларининг сезиларли даражада пасайиши қайд этилди.
Бу ҳақда Макроиқтисодий ва ҳудудий тадқиқотлар институти (МҲТИ) маълум қилди.
Мониторинг 21 турдаги товарларни қамраб олди. Май ойига нисбатан нархлар 9 та позиция бўйича пасайган. Энг кўп арзонлаганлар:
оқбош карам - 64,2% га,
помидор - 44,7%га,
бодринг - 36,5%га,
лавлаги - 21,5%га,
картошка - 6%га.
Шунингдек, банан (-13%), олма (-8,4%), гуруч (-7,3%) ва мол гўшти (филе) (-6,3%) нархлари ҳам арзонлашди.
Ун, гречка, макарон, тухум, маргарин ва кунгабоқар ёғи каби 6 та позиция бўйича нархлар ўтган ой даражасида қолди. Яна 6 та тоифа бўйича ўсиш қайд этилди, айниқса лимон бўйича, экспертлар буни мавсумий танқислик билан боғлашмоқда.
Тадқиқот пойтахтнинг энг йирик савдо тармоқларида 7 май ва 12 июнь кунлари тўпланган маълумотлар асосида ўтказилди.
Изоҳлар мавжуд емас