Ўзбекистон, Тошкент - Batafsil.uz. Ўзбекистоннинг Россия билан қўшма инвестиция лойиҳаларининг умумий портфели 55 миллиард доллардан ошиб кетди. Жорий йилда республика томонидан ўзлаштирилган Россия инвестициялари ҳажми қарийб 4 миллиард долларни ташкил этди, келгуси йилда эса қарийб 5 миллиард долларни ўзлаштириш режалаштирилган.
Бу ҳақда Ўзбекистон ҳукумати раҳбари ўринбосари Жамшид Ходжаев Тошкентда бўлиб ўтган Ўзбекистон ва Россия ўртасидаги ҳамкорлик бўйича ҳукуматлараро комиссиянинг 26-йиғилишида маълум қилди.
Ўйлайманки, бу янги ишлаб чиқаришлар, иш ўринлари ва солиқ тушумлари кўринишида сезиларли даромад келтириши керак бўлган жиддий база," - деди Ходжаев.
Мамлакатимизда Россия капитали иштирокидаги корхоналар сони 3 мингдан ошгани, жорий йилнинг ўзида 300 дан зиёд янги корхона ташкил этилгани таъкидланди.
Эслатиб ўтамизки, Денис Мантуров Ўзбекистонда амалий ташриф билан бўлиб турибди. У иқтисодий ҳамкорлик бўйича ҳукуматлараро Россия-Ўзбекистон комиссиясининг 26-йиғилишига ташриф буюрди. Мажлис ишида икки мамлакат вазирлик ва идоралари раҳбарлари иштирок этмоқда.
Изоҳлар мавжуд емас