Ўзбекистонда таълим хизматлари ҳажми 26 триллион сўмга етди

Ўзбекистон, Тошкент - Batafsil.uz. Миллий статистика қўмитаси маълумотларига кўра, 2025 йилнинг январь–сентябрь ойлари давомида мамлакатда таълим соҳасида кўрсатилган хизматлар ҳажми 26,3 триллион сўмни ташкил этган. Бу кўрсаткич ўтган йилнинг мос даврига нисбатан 4,2 фоизга ўсишганини кўрсатмоқда.

Ҳудудлар кесимида таълим хизматлари ҳажми қуйидагича тақсимланди:
• Тошкент шаҳри – 12,8 трлн сўм
• Самарқанд вилояти – 1,9 трлн сўм
• Фарғона вилояти – 1,7 трлн сўм
• Андижон вилояти – 1,3 трлн сўм
• Бухоро вилояти – 1,3 трлн сўм
• Тошкент вилояти – 1,3 трлн сўм
• Наманган вилояти – 1,2 трлн сўм
• Қашқадарё вилояти – 1,2 трлн сўм
• Сурхондарё вилояти – 860,3 млрд сўм
• Хоразм вилояти – 826,6 млрд сўм
• Қорақалпоғистон Республикаси – 834,8 млрд сўм
• Жиззах вилояти – 408,2 млрд сўм
• Навоий вилояти – 343 млрд сўм
• Сирдарё вилояти – 257,5 млрд сўм


Таълим хизматлари ҳажмининг юқори бўлиши, айниқса, Тошкент шаҳри ва йирик вилоятлардаги хусусий ва давлат таълим муассасалари фаолиятининг кенгайиши, таълимга бўлган талабнинг ортиб бораётгани билан изоҳланади 

Муттахассислар фикрича, таълим соҳасидаги барқарор ўсиш мамлакатнинг инсон капиталига сармоя киритиш сиёсати самараси ҳисобланади.

Эслатиб ўтамиз, Тошкентда Эрта таълим соҳасида минтақавий илмий-тадқиқот ва инновация маркази ташкил этилган эди. Бу Марказий Осиёда биринчи шундай марказ бўлган. 

Ўзбекистон бўйлаб янгиликлар: Telegram-каналга уланинг