Ўзбекистонда қурилиш материаллари саноати бозор талабидан орқада қолмоқда. Ҳукумат вазиятни кейинги йил охирига қадар тузатишни режалаштирмоқда
Иқтисод

Ўзбекистонда қурилиш материаллари саноати бозор талабидан орқада қолмоқда. Ҳукумат вазиятни кейинги йил охирига қадар тузатишни режалаштирмоқда

440

Ўзбекистон, Тошкент – Batafsil.uz ЯА. Ўзбекистон қурилиш материаллари саноати ҳозирча бозор талабидан орқада қолмоқда. Бу ҳақида "Ўзсаноатқурилишматериаллари" уюшмаси раиси ўринбосари Баҳодир Исмоиловнинг сўзларига ҳавола қилиб, Batafsil.uz мухбири маълум қилмоқда.

"Сўнгги уч-тўрт йил ичида Ўзбекистоннинг қурилиш соҳасида йирик ривожланиш юз бераётганининг гувоҳи бўлмоқдамиз. Бу борада қурилиш материаллари саноати ривожланишдан анча ортта қолаётганини ҳам тан олиши керак. Шундай қилиб, сўнгги йилларда асосий қурилиш материаллари бозорида катта имқдорда импорт қилинаётган цемент ва шиша танқислиги сезилмоқда. Айни пайтда бизнинг асосий вазифамиз - ички бозорни тўлдиришдан иборатдир. Биз бу вазифани 2020-2021 йилларда ҳал қиламиз. Кетма-кет икки йилдан буён импорт пасаймоқда", - деди у Iteca Exhibitions компаниясида ўтказилган бизнес-тушлик пайтида.

Исмоиловнинг сўзларига кўра, ишлаб чиқариш ва фойдаланишда экологик тоза ҳамда энергия тежовчи қурилиш материалларига устуворлик берилмоқда. Кейинги йилларда иссиқлик изоляциялаш материалларидан фойдаланиш тобора оммалашмоқда.

"Энергия сарфланиши ҳисобга олинмаганлиги учун биз илгари бунга аҳамият бермаганмиз. Ҳар доим ҳисоб-китоблар фақат бинонинг фойдаланишга топширилгунга қадар амалга оширилган. Энди эса ёндашув ўзгариб бормоқда, биз глобал трендларга ҳамоҳанг равишда ҳаракат қиляпмиз. Ҳозирда нафақат қурилиш нархи, балки бинонинг фаолият юритиш даврини ҳам ҳисоблаб чиқмоқдамиз", - деди у.

Суҳбатдошнинг сўзларига кўра, агар илгари Ўзбекистон деярли барча турдаги қурилиш материалларини импорт қилган бўлса, ҳозирда импорт асосан қимматроқ сегмент билан ифодаланган.

"Бизнинг яқин истиқболдаги вазифамиз – брендли инвесторлар, қўшимча қўшимча қийматли маҳсулот ишлаб чиқарувчи компанияларни жалб қилишдан иборат. Шунингдек, тошни қайта ишлаш соҳасини ҳам жадал ривожлантирмоқдамиз. Миллий банк ушбу йўналишга 200 миллион долларга яқин сармоя киритади. Биз травертин, гранит ва мармар ишлаб чиқаришни ривожлантирамиз", - деди Баҳодир Исмоилов.



Мақоладан таъсирланиш
Ёқади
0
Таҳсинга лойиқ
0
Хурсандчилик
0
Ҳайрон бўлмоқ
0
Тушкунлик
0
Хомушлик
0
Ҳафсаласи пир бўлмоқ
0
Ёқмайди
0



0 изоҳлар

  • Изоҳлар мавжуд емас

Рухсат олинг Шарҳлар қолдириш мумкин бўлиши учун.


USER_ID and USER_SESSION_ID undefined

Бошқа янгиликлар

Юклаш...
18+