Загрузка
Загрузка
Ўзбекистоннинг барқарорлик даражаси юқори бўлган тадбиркорлари солиқ текширувларидан озод қилинади
Иқтисод

Ўзбекистоннинг барқарорлик даражаси юқори бўлган тадбиркорлари солиқ текширувларидан озод қилинади

51
Загрузка

Ўзбекистон, Тошкент – Batafsil.uz. 1 февралдан бошлаб мамлакатда тадбиркорларнинг барқарорлиги рейтинги жорий этилмоқда, унинг ичида ишбилармонлар тоифалар бўйича сараланади. Энг юқори кўрсаткичларни қўлга киритган корхоналар бир қатор имтиёзларга эга бўладилар. Бу ҳақда Солиқ қўмитасига таянган ҳолда мухбиримиз хабар бермоқда. 

Эслатиб ўтамизки, рейтинг Солиқ қўмитасининг «Тадбиркорларнинг барқарорлик рейтинги» электрон платформасида идоралараро ахборот алмашинуви воситасида автоматик тарзда (онлайн) шакллантирилади ва Савдо-саноат палатасининг расмий веб-сайтида эълон қилиб борилади. 

Президент қарорига кўра, барқарорлик рейтинги бир ой олдин, яъни 2024 йил 1 февралда ишга туширилади. Илгарироқ, давлат раҳбари рейтингни 1 март куни ишга тушириш лозимлигини   ҳақида айтган эди. 

Таъкидлаш лозимки, 2024 йил 1 апрелдан бошлаб тадбиркорлик субъектларига уларнинг рейтинг даражасига қараб субсидиялар, имтиёзлар ва преференциялар қўлланилади. 

Қонунчилик талабларига мувофиқ фаолият юритаётган ва юқори кўрсаткичларга эришган тадбиркорларни аниқлаш учун тўртта тоифа ишлаб чиқилган:

  • «ААА», «АА» ва «А» тоифалар – юқори барқарорлик рейтинги;

  • «ВВВ», «ВВ» ва «И» тоифалар – ўрта барқарорлик рейтинги;

  • «CCC», «CC» ва «C» тоифалар – қониқарли барқарорлик рейтинги;

  • «Д» тоифа – қуйи барқарорлик рейтинги.

«ААА» тоифадаги тадбиркорлик субъектлари фаолиятида солиқ текширувлари ўтказилмайди (жиноий ишлар доирасида ўтказиладиган текширувлар бундан мустасно), шунингдек, ушбу тоифадаги тадбиркорлик субъектларига ҚҚС суммаси ўрнини қоплаш (қайтариш) бир кун муддатда текширувларсиз амалга оширилади.

«А» ва ундан юқори тоифадаги тадбиркорлик субъектларига:

  • солиқлар бўйича (ҚҚС бундан мустасно) мавжуд ортиқча тўлов суммасини қайтариш 3 кун муддатда амалга оширилади;

  • товарларни импорт қилишда ва товарларни (хизматларни) реализация қилишда тўланадиган ҚҚС суммаларини ўзаро ҳисобга олиш тартиби татбиқ этилади.

Балларни ҳисоблаш учун ҳисобга олинадиган умумий мезонлар орасида компаниянинг ишлаш муддати ва кредит тарихи, рентабеллиги (EBITA асосида), ўз кўчмас мулкининг мавжудлиги, солиқларни ўз вақтида тўлаши ва электрон ҳисоб – фактураларни расмийлаштириш ва бошқалар мавжуд. 

Муҳтож ва ижтимоий заиф бўлган кишилар, шунингдек ногиронлиги бўлганларни иш билан таъминлаш, энг кам иш ҳақидан миқдоридан кўпроқ маош оладиган ходимдар сонининг кўпайиши ва бошқа омиллар тадбиркорларга қўшимча балл олиш имконини беради. 

Юқорида назарда тутилган рағбатлантириш чоралари давлат корхоналари ҳамда устав капиталида 50 % ва ундан ортиқ миқдорда давлат улуши мавжуд бўлган юридик шахсларга нисбатан татбиқ этилмайди.

 

Загрузка
Мақоладан таъсирланиш
Ёқади
0
Таҳсинга лойиқ
0
Хурсандчилик
0
Ҳайрон бўлмоқ
0
Тушкунлик
0
Хомушлик
0
Ҳафсаласи пир бўлмоқ
0
Ёқмайди
0

0 изоҳлар

  • Изоҳлар мавжуд емас

Рухсат олинг Шарҳлар қолдириш мумкин бўлиши учун.


Бошқа янгиликлар

Юклаш...