АҚШ давлат котиби лавозимига номзод Ўзбекистон ва бошқа Марказий Осиё мамлакатлари билан савдо чекловларини бекор қилиш устида иш олиб боришини маълум қилди

Ўзбекистон, Тошкент – Batafsil.uz. АҚШнинг янги маъмурияти 1974 йилда Жексон-Веникнинг Ўзбекистон ва бошқа Марказий Осиё мамлакатларига нисбатан қонун   тузатишларни бекор қилишни режалаштирмоқда. Бу ҳақда давлат котиби лавозимига номзод сенатор Марко Рубио маълум қилди.

Бу масала куни кеча АҚШ Конгрессининг юқори палатасида АҚШнинг сайланган президенти Дональд Трамп томонидан кўрсатилган Рубио номзодини тасдиқлаш жараёнида муҳокама қилинган.

Сенатор Стив Дэйнс ушбу тузатишнинг минтақа учун бекор қилиниши ва Қозоғистон ва Ўзбекистон билан нормал савдо режими Марказий Осиё йўналиши тарафдорларининг биринчи мақсадларидан бири эканлигини таъкидлади. Шу муносабат билан у Рубиодан бу масалада қандай позицияни эгаллашини билиш учун "Сиз уни бекор қилиш учун биз билан ишлайсизми?", деб сўраган.

Унинг қўшимча қилишича, тузатишнинг бекор қилиниши яхши ният намойиши бўлади, чунки бу "Марказий Осиёнинг ривожланиши учун зарурдир". Бунга жавобан Рубио бу масалани ҳал қилиш учун қонунчилик чораларини талаб қилишини таъкидлаган.

"Баъзиларнинг таъкидлашича, биз буни Россия ва бошқалар ортидан эмас эмас, балки инсон ҳуқуқлари бўйича имтиёзлар олиш ёки бу мамлакатларни ўз йўлимизга бошлаш учун восита сифатида ишлатишимиз керак эмиш. Аммо баъзи ҳолларда бу тузатиш ўтмишдаги бемаъни қолдиқдир", - деди Марко Рубио.

Хулоса қилиб, у бу масала устида ишлашини таъкидлади, чунки у ҳам буни муҳим деб билади.

АҚШ оммавий ахборот воситаларининг ёзишича, Сенат томонидан Рубионинг давлат котиби лавозимига номзодини тасдиқлаш масаласи деярли ҳал қилинган. Конгресснинг юқори палатасидаги демократлар фракцияси раҳбарияти уни қўллаб-қувватлайди.

Маълумот учун. Жексон-Веникнинг 1974 йилда қабул қилинган АҚШ савдо тўғрисидаги қонунига киритган тузатиши инсон ҳуқуқлари бузилган мамлакатлар билан савдони чеклашни назарда тутади. Уни конгрессменлар Генри Жексон ва Чарлз Веник таклиф қилишган эди.

Эслатиб ўтамизки, Дональд Трампни иккинчи президентлик даврида Марказий Осиёга эътиборни кучайтиришга чақиришган. Унга минтақа мамлакатларига ташриф буюриб, уларнинг раҳбарлари билан тўғридан-тўғри алоқа ўрнатиш ва ниятларнинг жиддийлигини кўрсатиш тавсия қилинган. Икки томонлама муносабатлар давомида АҚШнинг бирон бир амалдаги президенти ҳеч қачон Марказий Осиёга ташриф буюрмаган.