Ўзбекистон, Тошкент - Batafsil.uz. Ўзбекистонда референт нархларни қайта кўриб чиқиш натижасида 2600дан ортиқ дориларнинг ўртача нархи 40–60% гача камайиши мумкин. Бу ҳақда Фармацевтика саноатини ривожлантириш агентлиги директори Абдулла Азизов маълум қилди.
2020 йилдан бошлаб дорилар референт нарх тизимида рўйхатдан ўтказила бошланган. Бу тизимда маҳаллий нархлар ишлаб чиқарувчи давлат ва бир қатор хорижий давлатлар нархлари билан солиштирилади, ва давлат регулятори уларнинг ортиқча нархини тақиқлайди. Жорий йилда тизимга Туркия ва Миср давлатлари ҳам қўшилган.
Ҳозирги таҳлиллардан маълум бўлишича, импорт қилинаётган дориларнинг 65% қўшни давлатларда мавжуд эмас, ва баъзи нархлар эса сунъий равишда оширилган.
Фармацевтика агентлиги бошлиғи Сунатилла Облоёровнинг айтишича, мамлакатдаги 7600 тур доридан тахминан 5000 нафари референт давлатларда аналогга эга эмас, бу нарх белгилашда қийинчиликлар ва сунъий ошириш имкониятлари туғдирмоқда. Шу сабабли 2600дан ортиқ дорилар нархи пасайтирилиши учун компанияларга тавсиялар йўлланган.
Айни вақтда давлат назорати фаол рецептли дорилар нархига қаратилган, рецептсиз дорилар нархи эса чекланмайди. Нарҳ белгилашдаги коррупцион хатарлардан қочиш учун тизим сунъий интеллект асосида модернизация қилиниши ва аҳоли учун очиқ форматда тақдим этилиши белгиланган.
Нархлар пасайиши 2026 йил 1 январдан бошланиши маълум қилинган.
Эслатиб ўтамиз, "Миллий тикланиш" партияси раҳбари Алишер Қодиров инсульт ва онкология каби касалликларнинг ёшариб бораётганини фармацевтика бизнеси билан боғлаганди. Унинг сўзларига кўра, фармацевтлар учун одамлар саломатлиги энг охирги масала, биринчи ўринда эса иложи борича кўпроқ дори сотишга интилиш туради.
Изоҳлар мавжуд емас