Ўзбекистон, Тошкент – Batafsil.uz. Тошкент вилояти экологлари ўз тасарруфидаги ҳудудларда йил бошидан буён 738 та табиатни муҳофаза қилиш тўғрисидаги қонун ҳужжатлари бузилганлигини аниқлашган. Бу ҳақда Batafsil.uz мухбири хабар бермоқда.
Кўпинча вилоятда яшовчилар Маъмурий жавобгарлик тўғрисидаги Кодекснинг 90-1-моддаси (тақиқланган ов ва балиқ овлаш қуроллари ёки воситаларини ишлаб чиқариш, олиб кириш, сақлаш, ташиш, сотиб олиш ёки сотиш) бўйича жавобгарликка тортилган. Бундай қоидабузарликлар сони 355тани ташкил этган. 23 та ҳолатда фуқаролар ов ва балиқ овлаш қоидаларини бузишган (90-модда).
Атмосфера ҳавосини муҳофаза қилиш талабларига риоя қилмаганлиги учун МЖКнинг 88-моддасига мувофиқ 282 та баённома, дарахтлар ва бошқа ўсимликларни ноқонуний кесиш, қазиб олиш, шикастлаш, йўқ қилиш ёки ноқонуний кўчириб ўтказиш учун (79-модда) 40 та далолатнома тузилган.
Шунингдек, экологлар сув ресурсларининг ифлосланиши бўйича 22 та ҳолатни қайд этишган (72-модда).
Чиқиндиларни тартибга солиш талабларини бузганлик учун санкцияларни тавсифловчи 91-моддага биноан тўртта ҳуқуқбузар жазо олган.
Давлат экологик экспертизасининг ижобий хулосасисиз лойиҳаларни амалга ошириш муносабати билан битта баённома расмийлаштирилган (96-модда).
Изоҳлар мавжуд емас