Ўзбекистон, Тошкент - Batafsil.uz. Бухоро вилоятида саксовулнинг ноқонуний кесилишига чек қўйган 7 нафар экология инспекцияси ходими мукофотланди.
Эслатиб ўтамиз, воқеа 15 июлга ўтар кечаси Пешку туманидаги "Сафрон" чўл ҳудудида содир бўлган. Рейд давомида инспекторлар кесилган дарахтлар ортилган юк машинасини пайқаб қолишган. Қўлга олишга уриниш чоғида узоқ давом этган таъқиб бошланиб, қоидабузарларнинг тажовузкор ҳаракатлари билан якунланган. Идора маълумотларига кўра, бир гуруҳ шахслар ходимларга металл буюмлардан фойдаланган ҳолда ҳужум қилган. Икки нафар инспектор тан жароҳати олган, жумладан, оёқ-қўли синган.
Қаршиликка қарамай, ноқонуний фаолият тўхтатилган. Ҳодиса якунига кўра, рейднинг барча иштирокчиларига "Табиат ҳимоячиси" кўкрак нишони топширилди. Бухорода Экология вазирлиги вакиллари иштирокида тантанали тақдирлаш маросими бўлиб ўтди.
Вазирлик ходимларига хизматлари учун миннатдорлик билдириб, чўл экотизимлари барқарорлиги учун муҳим бўлган ноёб ўсимлик турларини, жумладан саксовулни муҳофаза қилиш муҳимлигини таъкидлади.
Изоҳлар мавжуд емас