Бухороликлар Жомеъ масжидини музейга айлантирмасликни сўрашмоқда
Жамият

Бухороликлар Жомеъ масжидини музейга айлантирмасликни сўрашмоқда

323

Ўзбекистон, Тошкент – Batafsil.uz. Бухоро аҳолиси Жомеъ масжидини музейга айлантириш қарорини қайта кўриб чиқишни сўрашмоқда. Уларнинг сўзларига кўра, ҳозирда буюк аждодлар ибодат қилган ушбу диний бино ҳамма учун очиқ. Бироқ, мусулмончилик қоидаларига кўра, масжид– бу ҳеч бўлмаганда поябзалда кириш тақиқланган, аёллар эса бошларини ёпиб кирадиган махсус жойдир. Бунга мисол сифатида Истанбулдаги Мовий масжидни кўрсатиш мумкин, бу ерда назоратчилар тартибни қатъий назорат қилишади. Бироқ, Бухородаги Арк ичида жойлашган Жомеъ масжидида ушбу қоидаларга риоя қилинмаяпти. Бу ҳақда мухбиримиз хабар бермоқда.

Яқинда Туркия Бухоро Аркидаги Жомеъ масжидини қайта тиклаш ва таъмирлаш учун маблағ ажратиши маълум бўлди. Бу янгилик тарихий меросни севиб қадрлайдиган Бухоро аҳолиси орасида катта иштиёқ уйғотди. Бироқ, уларнинг баъзилари ушбу фурсатдан фойдаланиб, мазкур диний бинога кириш қоидаларини қайта кўриб чиқишга чақирмоқда. Batafsil.uz. таҳририятига шунга ўхшаш мурожаатлар келиб тушди. Улардан бирини келтирмоқдамиз.

"Пандемиядан кейинги даврда Бухоро яна туризмнинг жозибали марказларидан бирига айланмоқда. Албатта, шаҳарнинг асосий диққатга сазовор жойи - давлат ҳокимиятининг қадимий рамзи бўлган Арк қалъасидир. Бу улкан қалъа дунё яратилганидан бери Бухоро марказида тургандек туюлади, у Бухоро ҳукмдорлари учун ҳамиша ҳимоя ва кўмак бўлиб келган", - деб ёзмоқда бухороликлардан бири.

Қалъа ичида амир ва унинг зодагонлари учун XIX асрда қурилган "Жомеъ" масжиди сақланиб қолган. Бир неча йил олдин масжидга кириш чекланган эди, чунки мусулмончилик қоидаларига кўра, масжид– бу ҳеч бўлмаганда поябзални ечиб, аёллар эса бошларини ёпиб кирадиган махсус жой ҳисобланади. Бунга мисол сифатида Истанбулдаги Мовий масжидни кўрсатиш мумкин, бу ерда назоратчилар тартибни қатъий назорат қилишади.

"Бироқ, нисбатан яқинда вазият ўзгарди. Масжид музейга айлантирилди, энди у ерга ҳамма учун кириш имконияти мавжуд. Масжидга кириш қоидаларидан озми-кўпми хабардор бўлган киши учун бу ҳолат ҳайратга сабаб бўлади. Бундан ташқари, масжид ичида эҳтимол тарихийлик бериш учун диний рамзлардан ҳисобланган меҳроб ва минбар сақланиб қолган. Шунинг учун масжидга бош очиқ ва поябзалда киришга рухсат берган ва шу тарзда қалъанинг жозибадорлиги оширишни мақсад қилиб қўйганлар ўзининг жоҳиллигини кўрсатиб қўйишган холос”, - деди у.

Ўзбекистонда туризмни ривожлантиришнинг муҳим йўналишларидан бири зиёрат туризмидир, чунки ҳар йили мусулмон мамлакатларидан кўплаб саёҳатчилар шаҳарларимизга ташриф буюришади.

Шунинг учун ҳам бугун Бухорони чинакам ислом маърифати маркази сифатида эъзозлаб келган, бизнинг масжидга нисбатан қандай муносабатда эканлигимизни кўраётганлар олдида ноқулай аҳволга тушиб қоламиз. Ушбу ғоя ташкилотчилари энг камида фаросатни ишга солиб, кириш эшиги олдида масжидга ташриф буюриш қоидалари тўғрисида қандайдир эслатмани илиб қўйишлари мумкин эди.

Ҳокимлик маҳаллий аҳолининг фикрини тинглаб, Туркиядаги амалиётдан ўрнак олиб, масжидга ташриф буюришнинг оддий қоидаларини жорий қилишлари мақсадга мувофиқдир.

Ўзбекистон бўйлаб янгиликлар: Telegram-каналга уланинг 

Мақоладан таъсирланиш
Ёқади
0
Таҳсинга лойиқ
0
Хурсандчилик
0
Ҳайрон бўлмоқ
0
Тушкунлик
0
Хомушлик
0
Ҳафсаласи пир бўлмоқ
0
Ёқмайди
0

0 изоҳлар

  • Изоҳлар мавжуд емас

Рухсат олинг Шарҳлар қолдириш мумкин бўлиши учун.


USER_ID and USER_SESSION_ID undefined

Бошқа янгиликлар

Юклаш...
18+