Ўзбекистон, Тошкент – Batafsil.uz. Халқаро имтиҳонларда юқори балл олган ёшларнинг харажатларини қоплаш учун қарийб 51 миллиард сўм маблағ ажратилди. Бу ҳақда мухбиримиз хабар бермоқда.
Компенсация олиш шарти оддий-абитуриент имтиҳонда 70%дан ортиқ натижани кўрсатиши кифоя. Масалан, IELTS бўйича 7 ёки ундан кўп балл олиш мумкин.
Агар 2021 йилда имтиҳон харажатлари 2,8 минг нафар ёшлар учун 5,5 миллиард сўмдан ортиқни ташкил этган бўлса, жорий йилда 1 апрель ҳолатига кўра бу кўрсаткич қарийб 6 минг нафар ёшлар учун 10,6 миллиард сўмни ташкил этмоқда.
Яъни, бир чоракдаги натижалар бутун йилга нисбатан икки баравар кўпайган! Бу тилларни ўрганадиган ва халқаро миқёсда билим оладиган ёшлар сони доимий равишда ўсиб бораётганининг белгисидир.
18 та халқаро имтиҳон тизимлар бўйича юқори натижаларга эришган ёшлар Xazna иловаси орқали имтиҳон пулларини қайтаришлари мумкин.
Эслатиб ўтамизки, вазир тилларни биладиган ёшларни чет элга кетмасликка, балки мамлакатда ишлашга чақирган.
Изоҳлар мавжуд емас