Фойда учун коррупция ва бузишлар. Амалдорлар Ўзбекистоннинг кадастр соҳасида нима бўлаётганини айтиб беришди

7 February 2020, 13:21 155 ... Жамият
Фойда учун коррупция ва бузишлар. Амалдорлар Ўзбекистоннинг  кадастр соҳасида  нима бўлаётганини айтиб беришди

Ўзбекистон, Тошкент – Batafsil.uz ЯА. Бугун Тошкент шаҳрида Халқаро пресс-клубнинг бузилиш муаммоларига бағишланган навбатдаги йиғилиши бўлиб ўтди. Унинг бир қатор иштирокчилари қизиқарли ва ҳатто шов-шувли чиқишлари билан эътибор остига тушишди. Бу ҳақида Batafsil.uz мухбири хабар бермоқда.

Улардан энг асосийларини Сизга тақдим этмоқдамиз .

Баёнотлар бўйича етакчиликни Олий суд раисининг ўринбосари Холмўмин Ёдгоровга бериш мумкин.

Унинг сўзларига кўра, "Ҳозирги кунга қадар фуқароларни яшаш учун жой бермасдан уйидан чиқариш ҳолатлари учрагани йўқ".

Қизиқ, бу борада ўзбекистонликларнинг фикри қандай бўлса?

Шунингдек, у "яқин орада фуқароларга республикамиз ҳудудидаги исталган жойдан уй-жой олиш ҳуқуқи берилади", - деб айтди.

Раис ўринбосари баъзи статистик маълумотларни ҳам келтириб ўтди. "Ўтган йили Олий судга кадастрнинг маъмурий қарорлари бўйича 104та шикоят келиб тушиб, улардан 75 таси ҳақиқий деб топилди. Қолган 29та кадастр қарорлари бекор қилинди", - деди у.

Давлат кадастри, геодезия ва картография Миллий маркази директорининг биринчи ўринбосари Рустам Файзиев ҳам тегишли масалалар бўйича фикрини баён қилди.

Унинг сўзларига кўра, "ер кадастри соҳасидаги энг катта муаммолар бу коррупция, тизимни автоматлаштирилмаганлиги, яъни инсон омилининг мавжудлиги ва бу соҳада юртдошларимиз ҳуқуқий билимларнинг етишмаслигидир".

"Агар бирон-бир соҳада муаммолар келиб чиқадиган бўлса, уларни танишлар орқали ҳал қилишга ҳаракат қиламиз. Аслида бу коррупциянинг бошланиши", деди у.

Шу билан бирга директор ўриносари айрим статистик маълумотларга тўхтатилиб ўтди. Файзиевнинг айтишича, “Айни пайтда республикада 7 миллион 300 мингта кўчмас булк объектлари мавжуд”.

Адлия вазирлиги бошқарма бошлиғи Нодир Тиллаев нима сабабдан ўзбекистонлик ўз уйларидан чиқарилаётганлиги хусусида гапирди.

Унинг таъкидлашича: "Илгари фуқароларнинг уйлари давлат ва жамоатчилик эҳтиёжлари учун олиб қўйилиб, уй эгаларига компенсация берилар эди. Фуқаролардан олинган уйлар ўрнига тижорат мақсадлари учун бинолар қурилган. Чунки давлат ва жамоат эҳтиёжлари учун қандай бинолар барпо этилганлиги номаълум эди".

Адлия вазирлиги вакилига бир савол бор эди – агарда шундай бўлса, бу ишни илгари қилганлар аллақачон қамоқда ўтирган бўлса керак?

Адлия вазирлигидан ҳам бир оз статистика. “Уй-жой ва кадастр ҳужжатлари Давлат хизматлари агентлиги томонидан объектнинг ўлчамига қараб камида 7-14 кун давомида берилади ", - деди Тиллаев.

Матнни тайёрлади:
  • Изоҳлар мавжуд емас

Рухсат олинг Шарҳлар қолдириш мумкин бўлиши учун.


Рўйхатга қайтиш