Ўзбекистон, Тошкент - Batafsil.uz. Ўзбекистон ҳудудининг аксарият қисмида ҳафта давомида қуруқ ва илиқ об-ҳаво сақланиб туради, фақат айрим жойларда қисқа муддатли ёмғир ёғиши ва шамол кучайиши мумкин. Бу ҳақда Batafsil.uz мухбири хабар бермоқда.
"Ўзгидромет" хабарига кўра, бугун республика ҳудудининг кўп қисмида ёздагидек 35-38 даражагача иссиқ бўлади. Фақат республиканинг энг шимолида, Қорақалпоғистоннинг айрим жойларида қисқа муддатли момақалдироқли ёмғир ёғиши мумкин.
Эртага ва индинга ҳаво ҳарорати пасаяди ва чоршанба куни 25-30 даража атрофида бўлади. Ҳафтанинг иккинчи ярмида ҳарорат яна кўтарила бошлайди, иш ҳафтасининг охирига бориб ҳаво 30-33 даражагача исийди.
Қорақалпоғистон Республикаси ва Хоразм вилоятида эртага энг салқин кун 15-20 даража атрофида бўлади, кейин ҳарорат аста-секин 28-30 даражагача кўтарилади.
Республика бўйича ҳафта давомида қуруқ об-ҳаво сақланиб туради. Фақат 29-30 апрелда Қорақалпоғистонда, Хоразм, Бухоро, Навоий вилоятларида, 1-2 майда Фарғона водийси вилоятларида баъзи жойларда қисқа муддатли ёмғир ёғиши, момақалдироқ бўлиши мумкин.
Шамол 7-12 метр/секунд тезликда эсади, 28-30 апрелда баъзи жойларда 15-20 метр/секундгача кучайиши, айрим жойларда чанг-тўзонлар билан кузатилиши мумкин.
Тошкентда 28 апрелдан 2 майгача ёғингарчилик бўлмайди. Ҳарорат бугун кундузи 36-38 даража, сешанба куни 31-33 даража, чоршанба куни 26-28 даража бўлади. Иш ҳафтасининг иккинчи ярмида ҳарорат 29-31 даражагача кўтарилади.
Изоҳлар мавжуд емас