Ўзбекистон, Тошкент - Batafsil.uz. Ижтимоий ҳимоя миллий агентлиги маълум қилишича, жорий йил 1 ноябрь ҳолатига кўра мамлакат бўйича 716 361 нафар фуқаро ижтимоий нафақа олувчи сифатида рўйхатда турибди.
Шулардан:
-
169 232 нафар — ногиронлиги бўлган 18 ёшгача бўлган болалар нафақаси олувчилар;
-
316 377 нафар — ногиронлик нафақаси олувчилар;
-
72 560 нафар — парваришлаш нафақаси олувчилар;
-
92 498 нафар — ёшга доир нафақа олувчилар;
-
57 370 нафар — боқувчисини йўқотганлик нафақаси олувчилар;
-
8 324 нафар — ўзгалар парваришига муҳтож бўлган ёлғиз кексалар ва ёлғиз ногиронлиги бўлган шахсларга моддий ёрдам олувчилар;
-
5 299 нафар — уй-жой-коммунал хизматлар ҳақини тўлаш бўйича компенсация олувчилар.
Маълумот учун, 2025 йил октябрь ойида 5 819 нафар фуқарога янги нафақа тайинланган.
Ижтимоий нафақалар аҳолининг эҳтиёжманд қатламларини қўллаб-қувватлаш ва уларнинг ҳаёт даражасини яхшилашга хизмат қилмоқда.
Эслатиб ўтамиз, Президент қарорига мувофиқ, иситиш мавсумида аҳолининг ижтимоий ҳимояга муҳтож қатламларини қўллаб-қувватлаш мақсадида бу йил 1,1 миллиондан ортиқ оилага моддий ёрдам ажратилади. Ҳар бир оилага 1 миллион сўмдан маблағ тўланади.
Изоҳлар мавжуд емас