Загрузка
Загрузка
Мода яхши, лекин соғлиқ ҳақида ҳам унутмаслик керак. Мутахассис косметик жарроҳликнинг ҳозирги тенденциялари хусусида айтиб берган
Жамият

Мода яхши, лекин соғлиқ ҳақида ҳам унутмаслик керак. Мутахассис косметик жарроҳликнинг ҳозирги тенденциялари хусусида айтиб берган

30
Загрузка

Ўзбекистон, Тошкент – Batafsil.uz.  Яқинда тармоқда Жаҳонгир Отажоновнинг "Качайте" провокацион клипи фаол муҳокама қилинди, унда косметология муолажаларига жуда қизиққан аёллар масхара қилинган.

Изоҳларда томошабинларнинг бир қисми артистни қўллаб-қувватлаган ва кўплаб қизларнинг гўзалликка интилишда тўхтай олмаслиги, лабларини ғайритабиий ўлчамларгача шиширадиганлар тобора кўпайиб бораётганини ва бу ҳақда бирор нарса қилиш кераклигини таъкидлашган. Фойдаланувчиларнинг иккинчи ярми ҳар ким ўз танаси билан хоҳлаган нарсани қилиш ҳуқуқига эга эканлигини таъкидлаб, хонимларнинг тарафини олишган.

Batafsil.uz. мухбири дерматокосметолог Ирина Цой билан суҳбатлашди ва нима учун аёллар ғайритабиий гўзалликни тобора кўпроқ афзал кўришларини ва гўзаллик муолажалари қандай хавф-хатарлар келтириши мумкинлигини ҳақида билиб олди.

– Сизнингча, нега қизлар ва аёллар оммавий равишда лабларини шиширишга интилмоқда?

– Биз модага қараб юрамиз, қайсидир онда лаблар юз гўзаллигининг ҳал қилувчи омилига айланди. Натижада, деярли ҳар бир қиз ёки аёл чиройли лабларга эга бўлишни хоҳлайди. Ва ҳар бир инсон ўзи қанчалик табиий ёки ҳайратланарли кўринишни хоҳлашини ўзи ҳал қилишга ҳақлидир.

Аммо шуни таъкидлаш керакки, бугунги кунда биз ҳали ҳам катта ҳажмли лабларни хоҳлайдиган ва табиийликка интиладиган тоифадаги қизлар мавжуд бўлган бурилиш нуқтасидамиз. Иккаласи ҳам битта нарсани хоҳлашади – лабларни янада хиссиётли ва жозибали қилишдир.

Шу билан бирга, мода яхши эканлигини, аммо соғлиқ ва соғлом фикр ҳали ҳам биринчи ўринда туриши кераклигини унутмаслик керак.

– Бундай пмуаолажалар нима оқибатларга олиб келиши мумкин, уларда қандай яширин хавфлар мавжуд? 

– Ажойиб савол. Кўп одамлар ушбу муолажагага масъулиятсиз ва бепарво муносабатда бўлишади. Шунинг учун мен шифокор сифатида лабларини катталаштирмоқчи бўлган ҳар бир кишини огоҳлантирмоқчиман. Бошқа ҳар қандай инвазив муолажалар сингари, лабларни контурлаш ҳам хавфсиз эмас. Инъекция билан боғлиқ икки гуруҳдаги муаммолар, яъни исталмаган ён таъсир ва асоратларга дуч келиш мумкин.

Исталмаган ножўя таъсирларга беморнинг соғлиғига бевосита таҳдид солмайдиган ҳолатлар киради – гематомалар, шишиш, вақтинча сезувчанлик бузилиши, инъекция жойларида пигментациянинг рўёбга чиқиши.

Ножўя таъсирлардан фарқли ўлароқ, асоратлар ноқудалй хусусиятга эга бўлиб, соғлик ва муолажанинг эстетик натижаларига таъсир қилади. Энг даҳшатлилари ишемия – томирнинг гел билан барқарор қисилиши ва эмболия- томир йўлларининг гел билан тўсилиши. Қоида тариқасида, бундан кейин некроз пайдо бўлади – тўқималарнинг ўлими. Буларнинг барчаси тўғридан-тўғри тиббий аралашувни талаб қилади ва ҳар доим ҳам яхши тугамаслиги мумкин.

Ҳар қандай муолажадан кейин асоратлар мавжуд ва бўлади, бу ҳар қандай мутахассиснинг амалиётида учрайди. Шифокор уларга қандай муносабатда бўлиши бутунлай бошқа масала. Бу ерда жавобгарлик зонаси ҳақида гапириш керак. Фақат кўп ишламайдиганлар ёки ноқулай ҳолатларни яширадиганларда асоратлар бўлмайди.

– Ғайритабиийлик модаси   тугайдими? Агар шундай бўлса, табиий гўзаллик модаси қачон қайтади?

– Биз бунга борамиз ва албатта етамиз. Бироқ, одамлар ўзгаришни хоҳлашади, лекин таниб бўлмайдиган даражада эмас – юз хусусиятларини максимал даражада ўзгартиришни исташади. Шу билан бирга, идеал йўқлигини тушуниш муҳимдир: ҳамма Анжелина Жолининг лабларини хоҳлайди, лекин аслида бундай лаблар ҳаммага ҳам ярашмайди. Агар сиз ўзингизнинг хусусиятларингиз ва нисбатларингизга риоя қилсангиз, янада уйғун натижага эришиш мумкин.

Биз нафақат "янги лаблар" ни яратишга, балки янги ўз-ўзини англаш ва ўзини қабул қилишга, ўз қадр-қимматини оширишга, беморга ўзини энг жозибали, ягона ва бетакрор ҳис қилишига ёрдам беришга интиламиз. Амм тенденциялар ва моданинг ортидан қувмаслик керак.


Загрузка
Мақоладан таъсирланиш
Ёқади
0
Таҳсинга лойиқ
0
Хурсандчилик
0
Ҳайрон бўлмоқ
0
Тушкунлик
0
Хомушлик
0
Ҳафсаласи пир бўлмоқ
0
Ёқмайди
0

0 изоҳлар

  • Изоҳлар мавжуд емас

Рухсат олинг Шарҳлар қолдириш мумкин бўлиши учун.


Бошқа янгиликлар

Юклаш...