Ўзбекистон, Тошкент – Batafsil.uz. Шавкат Мирзиёев Мусулмонлар идораси раиси муфтий Шайх Нуриддин Холиқназар билан телефон орқали суҳбат ўтказган. Улар муқаддас ҳажга тайёргарлик ва ўзбекистонлик зиёратчилар учун яратилган шароитларни муҳокама қилишган. Бу ҳақда мухбиримиз хабар бермоқда.
Нуриддин Холиқназарнинг таъкидлашича, бу йил барча тадбирлар юқори даражада ташкил этилиб, минтақавий ҳаж марказларининг мувофиқлаштирилган иши билан тартибли равишда ўтказилмоқда.
Ҳозир Саудия Арабистонида 12 мингга яқин ўзбекистонлик гуруҳ раҳбарлари, шифокорлар, ошпазлар, таржимонлар ва бошқа ёрдамчилар ҳамроҳлигида ҳажда бўлиб турибди.
Бу йил зиёратчилар учун янгилик шундан иборатки, Саудия Арабистонида диний арбоблар ва қорилар томонидан Қуръон хатми ташкил этилган. Улар ҳозирга қадар мамлакатимизда тинчлик ва халқимиз фаровонлиги учун 1515 та дуо- ибодатлар қилишган.
Шавкат Мирзиёев юртдошларимизга зиёратларни хавфсиз якунлаб, Ватанимизга соғу-саломат қайтишларини тилаган.
Эслатиб ўтамизки, 22 майдан 23 майга ўтар кечаси 2024 йилги ҳаж мавсумининг биринчи зиёратчилари Тошкентдан Мадинага учиб кетишган. Бу йил жами 15 мингдан ортиқ ўзбекистонлик ҳажга бориши мумкин.
Изоҳлар мавжуд емас