Ўзбекистон, Тошкент - Batafsil.uz. Ҳуқуқ-тартибот идоралари мушукни автомобиль ойнасидан улоқтирган ўзбекистонликни топиб, жаримага тортди.
Пойтахт ИИББ хабарига кўра, воқеа 15 июнь куни Миробод туманида содир бўлган. Nexia автомобилининг 38 ёшли ҳайдовчиси ойнани очиб, ҳайвонни йўлга улоқтириб юборган ва жўнаб кетган.
Фуқарога нисбатан ҳайвонларга нисбатан шафқатсиз муносабатда бўлиш моддаси билан маъмурий баённома расмийлаштирилди. Унга кўра, хайвонларга қасддан азоб бериш базавий ҳисоблаш миқдорининг 3 бараваридан 5 бараваригача миқдорда жарима солишга сабаб бўлади.
Ҳодиса видеоси аввалроқ ижтимоий тармоқларда тарқалган эди. Эслатиб ўтамиз, мушук машина остига яширинишга уринган, бироқ ҳайдовчи ҳаракатни бошлаган. Ҳайвон ғилдиракдан қочиб, бошқа йўлларга қочишга улгурди. Унинг кейинги тақдири номаълум.
Аввалроқ пойтахт экологлари ҳуқуқ-тартибот идоралари ходимлари билан биргаликда кенг жамоатчилик эътирозидан сўнг "Янгиобод" ҳайвонот бозорида текширув ўтказган эди. Энди бундай рейдлар мунтазам ўтказиладиган бўлади.
Изоҳлар мавжуд емас