Ўзбекистон, Тошкент - Batafsil.uz. Ўзбекистон ва Қозоғистон чегарасидаги "Довуд ота" назорат-ўтказиш пункти 2025 йил 1 сентябргача ўз фаолиятини тикламайди. Таъмирлаш ишлари давом этаётгани сабабли чегарани кесиб ўтишга чеклов узайтирилди.
Қозоғистон Давлат даромадлари қўмитасидан маълум қилишларича, чекловларни узайтириш тўғрисидаги қарор ўзаро келишув асосида қабул қилинган. Қозоғистондаги "Тажен" назорат-ўтказиш пунктида кенг кўламли реконструкция ишлари давом этмоқда. Ишчилар капитал таъмирлаш ишларини олиб бормоқда, муҳандислик тармоқларини монтаж қилмоқда ва нейтрал полосада янги йўл қурмоқда.
Вазирлик фуқароларни саёҳатлар ва йўналишларни режалаштиришда ушбу маълумотларни ҳисобга олишга чақирди.
Дастлаб, назорат-ўтказиш пункти 1 февралдан уч ойга ёпилиши тахмин қилинган эди, бироқ қурилиш майдонидаги қийинчиликлар туфайли муддатлар қайта кўриб чиқилди.
Изоҳлар мавжуд емас