Ўзбекистон, Тошкент – Batafsil.uz. Сентябр ойида Тошкентда ташкил этилиши режалаштирилган Ўзбекистон-Франция университетнинг тайёрлов курслари очилади. Бу ҳақда Олий таълим, фан ва инновациялар вазирининг Франция элчиси билан учрашувида маълум бўлган. Бу ҳақда мухбиримиз хабар бермоқда.
Кеча Олий таълим, фан ва инновациялар вазири Конгратбай Шарипов Франция элчиси Орелия Бушез билан учрашган.
Вазирлик матбуот-хизмати маълумотларига кўра, бошқа масалалар қаторида томонлар Тошкентда Ўзбекистон-Франция университетини ташкил этиш, ўқув режалари, таълим дастурларини тасдиқлаш, профессор-ўқитувчиларни жалб қилиш масалаларини муҳокама қилишган. Жорий йилнинг сентябрь ойидан бошлаб университетнинг тайёрлов курслари очилиши режалаштирилган.
Шунингдек, ўқитувчиларнинг стажировкаларини ташкил этиш, талабаларга француз тилини ўқитиш дастурларини такомиллаштириш ва ўқитувчиларнинг малакасини ошириш бўйича фикр алмашилган.
Учрашув якунида жорий йилнинг октябрь ойида Тошкентда бўлиб ўтадиган Ўзбекистон-Франция ректорлар форумига тайёргарлик кўриш масалалари кўриб чиқилган.
Эслатиб ўтамизки, Ўзбекистон ва Франция ўтган йилнинг ноябрь ойида Эммануэль Макроннинг Ўзбекистонга ташрифи доирасида Тошкентда қўшма олий таълим муассасасини ташкил этишга келишиб олишган эди. Шунингдек, президентлар Франция альянсининг Самарқанд филиалини очиш тўғрисидаги қарорни маъқуллашган.
Изоҳлар мавжуд емас