Загрузка
Загрузка
Шифокорлар хусусий клиникада вафот этган журналист Рамина Ягафарованинг синглисининг айбловларига жавоб беришди. Видео
Жамият

Шифокорлар хусусий клиникада вафот этган журналист Рамина Ягафарованинг синглисининг айбловларига жавоб беришди. Видео

20
Загрузка

Ўзбекистон, Тошкент – Batafsil.uz. Doktor-Servis шифокорлари 2023 йилда ушбу хусусий клиникада вафот этган тележурналист Рамина Ягафарованинг иши бўйича ўз нуқтаи назаларини баён қилишган. Ариза марҳуманинг синглиси Диана Иртуганованинг мурожаатига жавобан таҳририятимизга келиб тушди. Ўтган йилнинг декабр ойи охирида у президент Шавкат Мирзиёев ва унинг ёрдамчиси Саида Мирзиёевадан ишнинг тергов қилиништга аралашишни сўраган эди.

Шифокорлар фожиа муносабати билан нотўғри маълумотлар тарқалаётганига ва уларга асоссиз айбловлар қўйилаётганига эътибор беришмоқда. Улар бундай ҳаракатларни тўхтатишга чақиришган, чунки бу шифокорларнинг обрўсига путур этказади, эътиборни ҳақиқий фактлардан чалғитади ва тиббиёт ҳамжамиятига бўлган ишончни пасайтиради. 

"Ушбу фожиа муносабати билан биз Ягафарова Раминага ёрдам бериш учун қўлидан келганини қилган шифокорларни обрўсизлантиришга уринишларга дуч келмоқдамиз. Биз чин дилдан ёлғон маълумотлар ва асоссиз айбловларни тарқатишни тўхтатишга чақирамиз", - дея таъкидламоқда клиника вакиллари. 

  

Шунингдек, улар қуйида келтирилган воқеалар хронологиясини тақдим этишган.

2023 йил 12 сентябрь

Ягафарова Рамина Наилевна Doktor-Servis клиникасининг саратон бўлимида даволанаётган онасининг ёнига ташриф буюрганида, унинг аҳволи кескин ёмонлашган. Унга биринчи шошилинч тиббий ёрдам кўрсатилган ва натижада аҳволи барқарорлашган. Бемор томонидан мустақил равишда қабул қилинган "Левофлоксацин" препаратига юзага келган реакция фонида анафилактик шокнинг дастлабки ташхиси қўйилган. Ўша пайтдан бошлаб бемор 24 соатлик кузатув остига олинган.

2023 йил 13 сентябрь

Эрталаб беморнинг аҳволи яхшиланиш динамикасида бўлган. Соат 10:30 да бемор вазопрессордан (босимни ушлаб турувчи дори) ажратилган, бу беморнинг анафилактик шокдан чиқишини тасдиқлаган. Бироқ, соат 16: 00 да бирламчи реакциядан оғирроқ бўлган такрорий анафилактик шок юз берган ва ҳолат кескин ёмонлашган. Барча жонлантириш чораларига қарамай, бемор соат 17:50 да вафот этган.

2023 йил 15 октябрь

Чилонзор тумани прокуратураси шифокорларнинг ҳаракатларини стандартларга мувофиқ деб топиб, жиноят ишини қўзғатишни рад этган.

2023 йил 23 ноябрь

Прокуратура шифокорларнинг ҳаракатларини стандартларга яна мувофиқ деб топиб, жиноий иш қўзғатишни қайта рад этган.

2024 йил 21 февраль

Комиссия суд-тиббий экспертизаси тайинланган, унда айрим экспертлар иш материалларини холисона ўрганмаган ва бир қатор омилларни ҳисобга олмаган. Марҳума клиниканинг бемори эмас эди, у кўчадан келган, у ерда нима ичгани, овқатлангани, қабул қилгани номаълум.

2024 йил 29 февраль

Прокуратура учинчи марта жиноий иш қўзғатишни рад этган.

2024 йил 20 июнь

Марҳуманинг синглиси ижтимоий тармоқларда экспертиза маълумотларини нотўғри талқин қилишга асосланган айбловлар билан видеомурожаат жойлаштирган.

2024 йил 1 июль

Тошкент шаҳар прокуратураси жиноий иш қўзғатган ва уни Олмазор тумани прокуратурасига топширган.

2024 йил 27 декабрь

Олмазор тумани прокуратураси шифокорларни айбланувчи сифатида жалб қилиш тўғрисида қарор қабул қилган.

2024 йил декабрь ойи

Ижтимоий тармоқларда Ўзбекистон президентига ҳақиқатга тўғри келмайдиган, клиникани ва унинг ходимларини обрўсизлантиришга қаратилган баёнотлар билан видеомурожаат эълон қилинган.

Шифокорларнинг позицияси

Шифокорлар ёлғон маълумотларнинг янада тарқалишини олдини олиш учун далилларга ва расмий хулосаларга асосланиб, ушбу иш бўйича ўз позицияларини баён қилишни муҳим деб билишади.

Уларнинг сўзларига кўра, соҳа мутахассислар томонидан ўтказилган суд-тиббий экспертизалар шифокорларнинг Рамина Ягафаровага нисбатан қилган ҳаракатларининг тўғрилигини тасдиқлаган.

"Жонлантириш тадбирлари ва тиббий ёрдам Ўзбекистон соғлиқни сақлаш вазирлигининг тасдиқланган протоколларига қатъий мувофиқ равишда ўтказилди. Мутахассисларнинг ушбу хулосалари тергов текширувлари давомида тақдим этилган расмий ҳужжатлар ва далолатномаларда акс эттирилган", – деди анестезиолог Фарид Даминов.

Шунингдек, у Чилонзор тумани прокуратурасининг 2023 йил октябрь, ноябрь ва 2024 йил февраль ойларида чиқарилган ишни қўзғатишни рад этиш тўғрисидаги қарорлари содир бўлган ҳолатлар ва экспертиза маълумотларини синчковлик билан текшириш натижаларига асосланганлигини таъкидлади.

Клиниканинг тадбиркорлик обрўсини ҳимоя қилиш бўйича фуқаролик даъволарини кўриб чиқаётган туманлараро судлар ҳам клиника ва унинг ходимларига қўйилган айбловларнинг асоссизлигини тасдиқлаган.

"Биз ижтимоий тармоқларда ёлғон ва туҳматли маълумотларнинг тарқалиши ва фактлар билан тасдиқланмаган оммавий мурожаатлардан хавотирдамиз. Ушбу айбловлар шифокорлар ва умуман клиниканинг обрўсига путур етказади, бу эса жамоатчилик норозилигига сабаб бўлади. Бундан ташқари, бундай ҳаракатлар тергов идораларига босим ўтказади, терговнинг объектив боришига тўсқинлик қилади ва адолатга бўлган ишончни бузиши мумкин", – деди анестезиолог – реаниматолог Акмал Каримов.

Хусусий клиниканинг шифокорлари , тергов идоралари билан ҳамкорликни давом эттиришга, зарур ҳужжатларни тақдим этишга ва ҳақиқатни аниқлашга кўмаклашишга тайёр эканликларини билдиришган.

Эслатиб ўтамизки, таниқли тележурналист Рамина Ягафарова 2023 йил 13 сентябрда Тошкентда вафот этган. Қизнинг оиласи содир бўлган воқеада Doktor-Servis клиникасининг шифокорларини айбламоқда.

Загрузка
Мақоладан таъсирланиш
Ёқади
0
Таҳсинга лойиқ
0
Хурсандчилик
0
Ҳайрон бўлмоқ
0
Тушкунлик
0
Хомушлик
0
Ҳафсаласи пир бўлмоқ
0
Ёқмайди
0

0 изоҳлар

  • Изоҳлар мавжуд емас

Рухсат олинг Шарҳлар қолдириш мумкин бўлиши учун.


Юклаш...