Загрузка
Загрузка
Шота Руставели кўчасидаги “сталинка” воқеаси, иккинчи дубль. Уй  бузилмайди, лекин уни тозалаш  буюрилган
Жамият

Шота Руставели кўчасидаги “сталинка” воқеаси, иккинчи дубль. Уй бузилмайди, лекин уни тозалаш буюрилган

46
Загрузка

Ўзбекистон, Тошкент – Batafsil.uz. Ижтимоий тармоқларда Шота Руставели кўчасидаги собиқ “Океан” дўкони ёнида жойлашган жабрдийда 22-сонли уйнинг бузилиши ҳақидаги хавотирли хабар тарқалди. Бироқ, Яккасарой тумани ҳокимлиги бу хабарни яна инкор қилган. Бу ҳақда мухбиримиз хабар бермоқда.

Эслатиб ўтамизки, Шота Руставели кўчасидаги 22-сонли тарихий турар жойнинг бузилиши масаласи ўтган йилнинг октябрь ойида кўтарилган эди. Ўшанда ҳам вазият ҳозиргидагидек эди, яъни   уйнинг бузилиши ҳақидаги хабар пайдо бўлгач, бир неча кундан сўнг Яккасарой тумани ҳокимлиги сукунатни бузиб, ушбу бинонинг бузилиши ҳақида маълумотга эга эмаслиги ва бундай ишлар олиб борилмаётганини маълум қилган эди.

Тўрт ой ўтар-ўтмас, бузилиш ҳақидаги хабар яна ижтимоий тармоқларда кўриниш берди.

“Шота Руставелидаги “сталинка” (Сталин номи билан аталган меъморчилик услуби – таҳририятдан) барибир бузилаётган эмиш. Яккасарой тумани   ва Тошкент шаҳар ҳокимлиги тўлиқ қўллаб-қувватлаётган “вахшийлар” 15 мартга қадар уйни тозалашлари керак экан. Афсуски, ҳокимлик учун сотилган ер учун олинган   даромад маданий меросни асрашдан   устун бўлиб чиқмоқда”, - дея ёзмоқда блогер Никита Макаренко.

Эҳтимол, “вахшийлар” деганда Никита Макаренко Нодирбек Худойбердиев ва Бахтиёр Вахобовларларга тегишли Number One Trades номли   қурилиш компаниясини назарда тутмоқда.

Бу гал Яккасарой тумани ҳокимлиги    қисқа фурсат ичида жавоб бериб, қурилиши бўлими   ходимлари “масалани жойига чиқиб ўрганди”, дея маълум   қилган.

“Кўп квартирали уйни бузиш ва ўрнига янгисини қуриш бўйича Тошкент шаҳар ҳокимлиги томонидан қарор қабул қилинмаган. Шунингдек, мазкур ҳудудда кўп квартирали уйни бузиш ва реконструкция қилиш бўйича лойиҳа-смета ҳужжатлари ҳам тасдиқланмаган. Юқорида қайд этилган ҳолат юзасидан Яккасарой тумани ҳокимлигига бирор-бир асословчи ҳужжатлар маълум эмас. Кўрсатилган манзил бўйича   бузиш ишлари олиб борилаётгани йўқ”, - дея хабар бермоқда ҳокимликнинг матбуот-хизмати.

Шу билан бирга, ҳокимликнинг эслатиб ўтишича, ушбу кўп қаватли уй 1956   йилда қурилган, 12та квартирадан иборат ва маданий мерос агентлиги рўйхатига киритилмаган.

Агарда Шота Руставели ва Бобур кўчасидаги бир қатор уйларни маданий мерос рўйхатига киритиш бўйича экспертларнинг чақириқлари инобатга олинганда эди, улар бузилишдан ҳимоя қилинган бўларди. Рўйхатга киритилмаган экан, машҳур “сталинка” ва шаҳар ҳамда туман ҳокимлиги ўртасидаги тортишувлар давом этаверади.

Загрузка
Мақоладан таъсирланиш
Ёқади
0
Таҳсинга лойиқ
0
Хурсандчилик
0
Ҳайрон бўлмоқ
0
Тушкунлик
0
Хомушлик
0
Ҳафсаласи пир бўлмоқ
0
Ёқмайди
0

0 изоҳлар

  • Изоҳлар мавжуд емас

Рухсат олинг Шарҳлар қолдириш мумкин бўлиши учун.


Бошқа янгиликлар

Юклаш...
18+