Загрузка
Загрузка
Суд-тиббиёт экспертлари Дмитрий Саттаровнинг шов-шувли иши бўйича биринчи гувоҳлик беришган. Иккала томон ҳам қайта текширувдан ўтади
Жамият

Суд-тиббиёт экспертлари Дмитрий Саттаровнинг шов-шувли иши бўйича биринчи гувоҳлик беришган. Иккала томон ҳам қайта текширувдан ўтади

13
Загрузка

Ўзбекистон, Тошкент – Batafsil.uz. Умуртқа поғонаси синган йигитнинг иши бўйича навбатдаги йиғилишларга суд-тиббиёт экспертлари таклиф қилинган. Бу ҳақда мухбиримиз хабар бермоқда.

Эслатиб ўтамизки, ўтган йилнинг 17 декабрида 18 ёшли Дмитрий Саттаров   итини тўғри назорат қилмаганликда уни айблаган 40 ёшли Ғолиб Раҳматов томонидан калтакланган эди. Жанжал натижасида йигит олти ой давомида ётоққа михланган.

Иккала томонга ҳам айблов қўйилган. Рахматовга – Жиноят кодексининг 105-моддаси 2-қисмининг "г" банди бўйича (ўта шафқатсизлик билан қасддан ўртача оғирликдаги тан жароҳати етказиш), Саттаровга - Жиноят кодексининг 109-моддаси 2-қисмига бўйича (қасддан енгил тан жароҳати етказиш).

Учта йиғилиш бошқа муддатга ўтказилганидан сўнг, сўнгги эшитувлар 31 май ва 3 июнь кунлари бўлиб ўтган. Уларга Саттаров ва Раҳматов олган жароҳатларни экспертизадан ўтказган тиббиёт ходимлари гувоҳлик беришган.

Саттаров узоқроқ ҳам ётиши мумкин, бу калтакланишнинг оғирлигини ўзгартирмайди

Биринчи изоҳни Дмитрий Саттаровни текширган Республика суд-тиббий экспертиза илмий-амалий маркази эксперти Дилшод Хўжаназаров берган.

У ўтказган экспертиза натижаларига кўра, Ғолиб Раҳматов Саттаровни кураш усули билан ерга йиқитиб, уни бир неча марта оёқ билан тепганлиги аниқланган. Йигитда орқа мия функционаллиги бузилмасдан умуртқанинг компрессион синиши, шунингдек, чап кўз соҳасидаги гематома ва юзнинг юмшоқ тўқималарининг шикастланиши қайд этилган, натижада 21 кундан тўрт ойгача саломатликнинг бузилиши юз берган.

Жисмоний шикастланишнинг оғирлигини аниқлаш бўйича стандартларга асосланиб, мутахассис Саттаровга етказилган жароҳатларни ўртача шикастланиш деб баҳолаган.

Май ойи бошида Дмитрийга учинчи даражали ногиронлик ташхиси қўйилган бўлса-да, тиббий экспертиза ногиронлик тўғрисидаги маълумотноманинг мавжудлиги экспертизани қайта кўриб чиқиш учун асос эмаслигини таъкидлаган, чунки у бошқа ташкилот стандартларига мувофиқ берилган ва тиббий ҳужжат саналмайди.

Дмитрий Саттаровнинг ҳимоячилари мутахассисдан ўртача жароҳатлар учун бемор тўрт ойдан кўпроқ вақт давомида қандай қилиб горизонтал ҳолатда бўлиши мумкинлигини сўрашган. Бунга жавобан Хўжаназаров бемор “узоқроқ ҳам ётиши мумкин”лигини айтган.

“Буларнинг барчаси организм хусусиятларига боғлиқ, орқа мия шикастланишининг мавжудлиги асосий омил бўлиб, уни нейрохирург ва вертебролог тасдиқлаши керак. Беморнинг шикоятлари ва горизонтал ҳолати асос эмас”, - дея хулоса қилди шифокор.

Ҳимоя томони мутахассисга эса шиш шаклида хулосани кўрсатган орқа мия МРТ натижаларини тақдим этган, аммо мутахассис буни соғлиқ учун хавф деб ҳисобламаган. Шунингдек, у нейрохирург ва вертебролог жароҳатлар натижасида умуртқа поғонасининг жиддий бузилиши тўғрисида асосли ҳужжат тайёрлаши шарти билан қўшимча текширув ўтказишга тайёрлигини билдирган.

Саттаровнинг адвокатлари бошқа суд экспертини таклиф қилиш тўғрисида илтимоснома билан мурожаат қилишган, чунки уларнинг фикрича, Хўжаназаров нохолис тушунтиришлар бермоқда.

Раҳматов бордюрга урилиб йиртиқ жароҳат олмаган, лекин бу муштдан олинган зарба натижасида бўлиши мумкин

Кейинги мажлисда Бобуржон Ёқубов тингланган, у Раҳматовга енгил даражада зарба берилганини қайд этган. Унинг сўзларига кўра, экспертиза 23 декабрда тайинланган, 25 декабрда бошланган ва кейинги йилнинг 11 январида якунланган. Текширув давомида бурун суякларининг жойидан силжимасдан синиши ва бурун соҳасида йиртилган жароҳат аниқланган.

Прокурорнинг Раҳматов бўйи баландлигидан йиқилиб тушганда бундай жароҳатлар олиши мумкинми, деган саволига эксперт бундай бўлишини истисно қилган.

Саттаровнинг ҳимояси томонидан бир қатор саволлар берилган. Хусусан, уларга жавоб берар экан, Ёқубов Раҳматовнинг қўлида муштлашиш излари йўқлигини айтган, чунки у текширувга жуда кеч борган ва улар битиб кетган бўлиши мумкин. Шунингдек, мутахассис, бурун шикастланишидан ташқари, унда бошқа жароҳатларни аниқламаганини таъкидлаган.

У жароҳат Раҳматовга мушт ёки қандайдик тўмтоқ нарса –кастет ёки тош билан етказилган бўлиши мумкинлигини тасдиқлаган. Шу билан бирга, унинг сўзларига кўра, бундай зарбадан кейин ҳужумчининг қўлида излар ёки қолмаслиги мумкин.

Саволларга жавоб олгандан сўнг, иккала томон ҳам қайта тиббий кўрикдан ўтиш учун илтимоснома тайёрлашган. Муҳокамадан кейин судья иккала томоннинг илтимосларини қондиришга қарор қилган. Кейинги йиғилиш қайта экспертиза ўтказилгандан сўнг бўлиб ўтади.

Таъкидлаш керакки, ёз бошланиши билан Дмитрий Саттаров даволанишга борган ва воқеадан олти ой ўтгач биринчи қадамларини қўймоқда. Реабилитолог шифокор йигитнинг чап танасининг сезгирлиги ва функционаллиги бузилганлигини, шунингдек, узоқ муддатли ётоқда бўлгани натижасида гипертрофия борлигини айтган.

Эслатиб ўтамизки, илгари ушбу иш бўйича учта гувоҳнинг кўрсатмалари эшитилган эди.

Загрузка
Мақоладан таъсирланиш
Ёқади
0
Таҳсинга лойиқ
0
Хурсандчилик
0
Ҳайрон бўлмоқ
0
Тушкунлик
0
Хомушлик
0
Ҳафсаласи пир бўлмоқ
0
Ёқмайди
0

0 изоҳлар

  • Изоҳлар мавжуд емас

Рухсат олинг Шарҳлар қолдириш мумкин бўлиши учун.


Бошқа янгиликлар

Юклаш...