Ўзбекистон, Тошкент - Batafsil.uz. Тошкент шаҳридаги Шаҳрисабз кўчасида капитал таъмирлаш ишлари бошланди. Ишлар Grand Mir меҳмонхонаси олдидаги айланадан Амир Темур хиёбони чорраҳасигача бўлган бутун ҳудудни қамраб олади.
Бу ҳақда пойтахт ҳокимлиги хабар берди.
Реконструкция кўлами катта бўлишига қарамай, кўчада ҳаракат сақланиб қолади. Расмийлар тирбандлик ва ҳайдовчиларга ноқулайлик туғдирмаслик учун йўлни тўлиқ ёпмасликка ваъда бермоқда.
Агар айрим участкаларни вақтинча ёпишга тўғри келса, бу ҳақда олдиндан огоҳлантирилади, дея таъкидлади маъмурият.
Шаҳрисабз кўчасини таъмирлаш шаҳарнинг марказий магистралларини янгилаш ва йўл инфратузилмасини яхшилаш режасидан ўрин олган.
Эслатиб ўтамиз, Ўзбекистонда 1 июндан бошлаб шаҳар йўлларини таъмирлаш ва йўл чизиқларини чизиш бўйича барча ишлар фақат тунги соат 21:00 дан 07:00 гача амалга оширилиши керак.
Изоҳлар мавжуд емас