Ўзбекистон, Тошкент - Batafsil.uz. Бугун, 17 июнь куни пойтахтнинг Мирзо Улуғбек туманида электр энергияси вақтинча ўчди. Бунга модернизация дастури доирасида "Чароғон" подстанциясида режалаштирилган таъмирлаш ишлари сабаб бўлган.
"Шукур Бурхонов", "Aлишер Навойи", "Шўртепа", "Нодирабегим", "Алпомиш" ва "Яланғоч" маҳаллалари аҳолиси чироқсиз қолди. Электр энергияси соат 09:00 дан 18:00 гача ўчирилди.
"Тошкент шаҳар электр тармоқлари"дан маълум қилишларича, эскирган ускуналарни алмаштириш ва электр таъминоти сифатини яхшилаш бўйича ишлар олиб борилмоқда. Агар таъмирлаш муддатидан олдин якунланса, тизим муддатидан олдин ишга туширилиши мумкин.
Компания вақтинчалик ноқулайликлар учун аҳолидан узр сўрайди.
Изоҳлар мавжуд емас