Ўзбекистон, Тошкент – Batafsil.uz ЯА. Мухбиримиз берган маълумотга кўра, Тошкентда иккита янги йўл белгилари ўрнатилмоқда.
ИИББ хабар қилишича: "Пойтахтнинг қатор жойларида бир вақтнинг ўзида 3.10 таъқиқловчи "Пиёдалар ҳаракатланиши таъқиқланган” белгилари ўрнатилди. Ушбу белгилар Мирзо-Улуғбек тумани Султония кўчасидаги ер ости йўлаги ҳамда Юнусобод деҳқон бозоридаги ер ости йўлаги ёнида ва Шайхонтоҳур туманидаги Беруний ва Сақчисимон кўчалари кесишмасида (Чорсу бозори рўпарасида) ўрнатилди.
Эслатиб ўтамизки, йўл ҳаракати қоидаларига кўра, 3.10 “Пиёдаларнинг ҳаракатланиши тақиқланган” йўл белгиси хавфсизлик туфайли пиёдаларнинг ҳаракатланиши мумкин бўлмаган жойларда ўрнатилади.
Ундан ташқари, огоҳлантирувчи 1.32 “Тирбандлик” йўл белгиси Юнусобод туманидаги Амир Темур ва Осиё кўчалари кесишмасида ўрнатилган. Ушбу белги вақтинчалик ёки чорраҳалар олдида ўрнатилган ўзгарувчи тасвирли белгиларда, тирбандлик юзага келган ҳудудни четлаб ўтиш имконияти бор жойда қўлланилади.
Янги белги ўтган йилнинг апрель ойида Вазирлар Маҳкамасининг қарори билан йўл ҳаракати қоидаларига киритилган эди.
Изоҳлар мавжуд емас