Ўзбекистон, Тошкент – Batafsil.uz. АҚШдаги энг йирик фильмлар ва телесериаллар ишлаб чиқариш концернларидан бири Warner Brothers ВГИК (Бутунроссия давлат кинематография институти)нинг Тошкент филиали талабаси билан шартнома имзолаган. Бу ҳақда мухбиримиз хабар бермоқда.
Вице-президент Марк Беласко Саид Тўлаганов билан унинг “Совуқ пойга” (The Cold Rase) ва "Килиманжарога кўтарилиш" (The Lessons of Kilimanjaro) фильмлари прокати учун шу кунларда Санта-Моникада бўлиб ўтадиган American Film Market доирасида шартнома имзолаган. Ҳар йили дунёдаги барча йирик продюсерлар бу ерга келишади ва фильмларни молиялаштириш ва ҳуқуқларни сотиб олиш бўйича 1 миллиард доллардан ортиқ маблағга битимлар тузадилар.
Ҳозирги вақтда Тўлаганов ва унинг фильмлари Ўзбекистоннинг дунёдаги энг йирик кино бозоридаги ягона вакиллари ҳисобланади.
Саид Тўлаганов 1982 йилда Тошкентда туғилган. 2003 йилда Тошкент давлат иқтисодиёт университетининг бакалавратини битирган. 2018 йилда Ўзбекистон давлат маданият ва санъат институтига "Кино ва телевидение режиссёри" йўналиши бўйича, 2020 йилда эса ВГИКда "продюсерлик" факультетига ўқишга кирган.
Фильмография:
-
Ихначкўл кўлларига тоғ саёҳати (ҳужж. фильм)
-
Байсунтау тоғлари бўйлаб қишки саёҳат (ҳужж. фильм)
-
Эртакона Хива бўйлаб саёҳат (ҳужж. фильм)
-
Арашан кўллар тизимини ўрганиш (ҳужж. фильм)
-
Амударё ва Орол денгизи бўйлаб дарё саёҳати (ҳужж. фильм)
-
Олманинг орқа томони (қисқа метражли фильм)
-
Архангельск (ҳужж. фильм)
-
Совуқ пойга (ўйин фильми)
Аввалроқ, ВГИК талабаси Стивен Кингнинг ҳикояси асосидаги фильмни атиги 1 долларга суратга олиш ҳуқуқини қўлга киритгани ва бошқа бир талаба Кустурицадан ўз фильми учун совринни олгани ҳақида ёзган эдик.
Изоҳлар мавжуд емас