Ўзбекистон, Тошкент – Batafsil.uz. Ўзбекистон Ёшлар ишлари агентлигининг “Ибрат фарзандлари” лойиҳаси ва Ҳиндистон Халқаро Тагор мактаби фан ва маданият соҳасида ҳамкорлик тўғрисида битим имзолашган. Бу ҳақда мухбиримиз хабар бермоқда.
“Дунё” маълумотларига кўра, томонлар йога, рақс, мусиқа, тилларни ўрганиш, актёрлик маҳорати, санъат ва ҳунармандчилик бўйича қўшма виртуал дарсларни ўтказадилар. Бундан ташқари, ўқитувчилар ва ўқувчилар алмашинуви бўйича лойиҳаларни амалга ошириш режалаштирилган.
Шартномада ўзаро маърузалар, семинарлар, вебинарлар, илмий-амалий конференциялар ва симпозиумлар ўтказилиши кўзда тутилган.
Томонлар 10 ёшдан 16 ёшгача бўлган ўқувчилар учун маданий ва маърифий алмашинув дастурларини ривожлантиришга ўзаро кўмаклашишга тайёр эканликларини билдиришган.
Ўзбекистон ва Ҳиндистон вакиллари ҳамкорлик қамрови ҳеч нарса билан чекланмаслигини таъкидлашган. Ўзаро муносабатларни мустаҳкамлаш бўйича ҳар қандай янги лойиҳалар ва ташаббуслар рағбатлантирилади.
Эслатиб ўтамизки, Ҳиндистон Жиззах вилоятида 30 миллион долларлик фармацевтика лойиҳасини ишга туширишни режалаштирмоқда.
Изоҳлар мавжуд емас