Ўзбекистон, Тошкент – Batafsil.uz. Ўзбекистон мактабларининг бошланғич синфларида овқатланиш маданияти ва соғлом турмуш тарзи асосларини ўрганиш бошланади. Кеча пойтахтдаги 331-мактабда "Саломатлик маршрутлари" янги таълим дастури ишга туширилди. Аста-секин у республика ҳудудларига тарқалади. Бу ҳақда мухбиримиз хабар бермоқда.
“Саломатлик маршрутлари” 2013-2018 йилларда Ўзбекистон мактабларида амалга оширилган тўғри овқатланиш дастурининг янгиланган версиясидир.
Дастур 7-8 ёшли болаларга мўлжалланган ва "Табиий фанлар" таянч ўқув курсига киритилган. Жорий ўқув йилида у Андижон, Бухоро, Қарши, Наманган, Нукус, Самарқанд, Фарғона ва Тошкентдаги 35 та мактабни қамраб олади.
Дастурнинг асосини 30 та интерактив тақдимотлар, викториналар, тестлар ва қизиқарли видеолар ташкил этиб, улар ёрдамида ўқитувчилар ўқув йили давомида ўз ўқувчилари билан дарсдан ташқари машғулотлар ўтказадилар.
Тўғри овқатланиш ва соғлом турмуш тарзи ҳақида иккита эртак қаҳрамонлари болаларга гапириб беришади. Улар билан бирга болалар "Саломатлик маршрутлари" бўйлаб юриб, ўз организмига қандай ва нима учун ғамхўрлик қилиш, кучли ва матонатли бўлиб ўсишни ўрганадилар. Бундан ташқари, лойиҳа ташаббускорлари миллий таомлар билан танишишга эътибор қаратишган.
Таъкидлаш жоизким, “Нестле Фуд” компанияси ўзининг глобал ташаббуси доирасида дастурни ишга туширишни таклиф қилган, у мактабгача ва мактаб таълими вазирлиги кўмагида жорий этилмоқда.
Изоҳлар мавжуд емас