Ўзбекистон, Тошкент - Batafsil.uz. Синоптиклар Ўзбекистоннинг тоғолди ва тоғли ҳудудларида сел-сув тошқин ҳодисалари юзага келиши мумкинлигидан огоҳлантирмоқда. 20-22 июнь кунлари давом этадиган кучли ёмғирлар ҳудудларни сув босишига ва ёмғир сувларининг тўпланишига олиб келиши мумкин.
Ўзгидромет маълумотларига кўра, хавф остида қуйидагилар:
Тошкент вилояти - Оҳангарон, Бўстонлиқ, Паркент, Пискент, Ўрта Чирчиқ, Юқори Чирчиқ туманлари ҳамда Ангрен ва Олмалиқ шаҳарлари;
Наманган вилояти - Поп, Косонсой, Чортоқ, Чуст, Наманган, Янгиқўрғон туманлари;
Фарғона вилояти - Сўх, Шоҳимардон, Фарғона, Бешариқ туманлари;
Андижон вилояти - Андижон, Асака, Жалақудуқ, Қўрғонтепа, Пахтаобод, Избоскан, Хўжаобод, Марҳамат туманлари ва Хонобод шаҳри.
Юқорида қайд этилган ҳудудларда яшовчи барча фуқаролар, сайёҳлар ва тоққа чиқаётган ҳайдовчиларга ҳушёрликни ошириш ва хавфли ҳудудларга бормаслик тавсия этилади.
Изоҳлар мавжуд емас