Ўзбекистон, Тошкент – Batafsil.uz. Жорий йилнинг 15-20 апрель кунлари Наманган шаҳрида Ўзбекистон ва Қирғизистон ҳукумат делегацияларининг қўшма демаркация комиссияси ишчи гуруҳларининг навбатдаги йиғилиши бўлиб ўтган. Бу ҳақда мухбиримиз хабар бермоқда.
"Дунё" маълумотларига кўра, дала тадқиқотлари ўтказилиб, унинг давомида давлатлараро чегарани делимитация линияси ҳудудига ўтказиш вазифалари аниқлаб олинган.
Тадбир якунлари бўйича тегишли баённома имзоланган. Ишчи гуруҳларнинг навбатдаги йиғилиши Қирғизистон ҳудудида бўлиб ўтади.
Ишчи гуруҳларнинг олдинги йиғилиши жорий йилнинг 4-8 март кунлари Ошда бўлиб ўтганди. Музокаралар давомида томонлар ўтган йили амалга оширилган ишларни сарҳисоб қилишган ва 2024 йилги учрашувлар жадвалини тасдиқлаб олишган. Шунингдек, чегараларни демаркация қилиш, демаркация хариталарини яратиш ва умумий геодезия тармоқлари масалалари кўриб чиқилган.
Эслатиб ўтамизки, экспертларнинг фикрича, қўшни давлатлар билан муносабатларни мустаҳкамлаш, хусусан, Ўзбекистон-Қирғизистон чегарасини делимитация қилиш - ўтган йилларда мутахассислар томонидан таклифларининг ижобий натижалардан биридир.
Изоҳлар мавжуд емас