Ўзбекистон, Тошкент - Batafsil.uz. Мамлакатда урчиш мавсумида балиқ ресурсларини ҳимоя қилиш учун маълум вақт оралиғида балиқ овлашга тақиқ кучга кирди.
Ўзбекистон Республикасининг “Ов қилиш ва овчилик хўжалиги тўғрисида”ги 627-сонли Қонуни ҳамда Вазирлар Маҳкамасининг “Ўзбекистон Республикасининг табиий сув ҳавзаларида балиқ овлаш қоидаларини тасдиқлаш тўғрисида”ги 80-сонли қарорига мувофиқ қуйидаги сув ҳавзаларида балиқ овлаш тақиқланади
- 11 мартдан 31 майгача – Амударё ва Сирдарёда;
- 26 апрелдан 10 июнгача – Қорақалпоғистон Республикаси ва Хоразм вилоятидаги табиий сув ҳавзаларида;
- 16 апрелдан 31 майгача – бошқа барча табиий сув ҳавзаларида.
Мазкур чора-тадбирлар балиқлар популяциясини сақлаб қолиш ва сув ҳавзалари экотизимларини тиклашга қаратилган. Ҳуқуқбузарлар маъмурий жавобгарликка тортилади.
Изоҳлар мавжуд емас