Ўзбекистон, Тошкент - Batafsil.uz. Ўзбекистон Конституциясида ҳар бир фуқаро ўз ҳуқуқ ва эркинликларини қонунда тақиқланмаган барча усуллар билан ҳимоя қилишга ҳақли эканлиги мустаҳкамланган. Бироқ ҳозирга қадар амалдаги қонунчиликда Конституциявий судга мурожаат қилишда кам таъминланган фуқароларга давлат ҳисобидан юридик ёрдам кўрсатиш назарда тутилмаган эди. Ҳукумат бу камчиликни тузатмоқчи.
Бу ҳақда Сенатнинг 11-ялпи мажлисида сўз борди.
Қонун чиқарувчилар кам таъминланган аҳолига давлат ҳисобидан юридик ёрдам кўрсатиш тизимини такомиллаштириш тўғрисидаги ҳужжатга ўзгартиришлар киритдилар. Ҳужжатнинг янги таҳририга кўра, Конституциявий суд фуқаронинг аризасига биноан унга давлат ҳисобидан юридик ёрдам кўрсатадиган адвокатнинг иштирок этишини таъминлайди. Чора муайян иш бўйича суд томонидан илгари қўлланилган қонунни текшириш чоғида амал қилади.
Сенаторларнинг таъкидлашича, ҳужжатнинг қабул қилиниши фуқароларнинг бузилган ҳуқуқ ва эркинликларини тиклаш учун Конституциявий судга мурожаат қилиш имкониятларини кенгайтиради.
Қонун сенаторлар томонидан маъқулланди. Кучга кириши учун уни президент имзолаши керак.
Изоҳлар мавжуд емас