Ўзбекистон, Тошкент – Batafsil.uz. Ўзбекистон ТИВ матбуот хизмати Таиландга визасиз режим кучга кирмаган вазият бўйича тушунтириш берган. Бу ҳақда мухбиримиз хабар бермоқда.
Мамлакатимизнинг Бангкокдаги Бош консуллиги виза режимини соддалаштириш бўйича Таиланд ташқи ишлар вазирлигига мурожаат қилган. Улар бу ҳақда ҳали расмий маълумот олмаганлиги ҳақида маълум килишган.
Таиланд Ташқи ишлар вазирлигининг минтақавий ваколатхонасида ҳукуматнинг виза тартибини соддалаштириш тўғрисида қарори бор, аммо Таиланднинг чет элдаги дипломатик ваколатхоналарига тегишли кўрсатмалар ҳали юборилмаган, деб жавоб беришган.
Бундан ташқари, бир томонлама киритилган соддалаштирилган виза тартиби маълум вақтдан кейин бекор қилиниши мумкин.
"Ўзбекистон ташқи ишлар вазирлиги Таиланднинг расмий нотасини олиши биланоқ биз қўшимча маълумот берамиз", - деди мамлакатимиз Ташқи ишлар вазирлиги.
Аввалроқ, Таиланд 36 та янги мамлакат, шу жумладан Ўзбекистон учун визасиз режим жорий этаётгани ҳақида хабар берилган эди. Бироқ, Таиланд чегара хизмати мамлакатимиздан борган сайёҳларга бу ҳақда ҳеч нарса билмаслигини, шунинг учун улар 75 долларлик визани олишлари керак, деб айтган.
Изоҳлар мавжуд емас