Ўзбекистон, Тошкент - Batafsil.uz. Шавкат Мирзиёев Америка бизнесига нафақат очиқ бозор, балки юқори даражадаги қўллаб-қувватлашни ваъда қилди. 22 сентябрь куни Нью-Йоркда етакчи компаниялар раҳбарлари билан учрашувда у Ўзбекистон Инвестициялар вазирлигида янги лавозим - инвесторлар билан 24/7 режимида ишлайдиган АҚШ масалалари бўйича вазир ўринбосари лавозими жорий этилганини маълум қилди.
"Ўзбекистон ва Америка Қўшма Штатлари ўзаро манфаатли ҳамкорликни кенгайтириши мумкин бўлган кўплаб йўналишлар мавжуд. Ишонтириб айтаманки, Америка компанияларининг Ўзбекистондаги фаолияти муваффақиятли бўлишига шахсан кафолат бераман," - деди давлат раҳбари.
Мирзиёев Тошкент ва Вашингтон ўртасидаги муносабатлар мисли кўрилмаган даражага кўтарилганини таъкидлади: сўнгги саккиз йил ичида товар айирбошлаш тўрт баробарга ошиб, Американинг 300 дан ортиқ компанияси мамлакатга сармоя киритган.
Шунингдек, президент шерикликнинг тўртта устувор йўналишини - минерал ресурсларни ўзлаштириш ва чуқур қайта ишлаш, рақамли технологиялар ва "IT," ДХШ асосидаги инфратузилма, агросаноат мажмуасини кўрсатиб ўтди.
"Биз Америка бизнеси ўзини ишончли ҳис қилиши ва бозоримиз имкониятларидан тўлиқ фойдаланиши учун барча шароитларни яратамиз", - дея таъкидлади у.
Эслатиб ўтамизки, куни кеча Ўзбекистон президенти Шавкат Мирзиёев Нью-Йоркда халқаро молия институтлари, йирик корпорация ва ташкилотлар раҳбарлари билан қатор учрашувлар ўтказди.
Изоҳлар мавжуд емас