Ўзбекистон, Тошкент – Batafsil.uz. Атом энергияси бўйича Халқаро агентлик (МАГАТЭ) бош директори Рафаэль Гросси Ўзбекистонга ташриф буюрди. Бу ҳақда мухбиримиз хабар бермоқда.
“Ўзатом” матбуот-хизматининг билдиришича, МАГАТЭ раҳбарининг расмий ташрифи икки кун давом этади.
Рафаэль Гросси атом энергиясини ривожлантириш ва ундан фойдаланиш бўйича халқаро конференцияда иштирок этиши кутилмоқда. 5 декабрь куни Самарқандда "Ислом ҳамкорлик ташкилотига аъзо давлатларнинг барқарор ривожланишида атом энергиясидан тинч мақсадларда фойдаланиш истиқболлари: халқаро ва миллий тажриба" мавзусидаги анжуман бўлиб ўтади.
Тадбирнинг бош ҳамкори “Росатом” давлат корпорацияси ҳисобланади.
Эслатиб ўтамизки, МАГАТЭ билан ҳамкорликда Тошкентда янги ташкил этилган Республика онкология ва радиология маркази учун онколог мутахассисларни тайёрлаш режалаштирилган.
Изоҳлар мавжуд емас