Ўзбекистон, Тошкент - Batafsil.uz. Президент Шавкат Мирзиёев Вашингтонга ишчи ташриф билан келди. У ерда у Марказий Осиё давлатлари ва АҚШ етакчилари иштирокидаги "C5+1" форматидаги саммитда қатнашади. Давлат раҳбарини аэропортда АҚШда ишлаб, ўқиб юрган ҳамюртларимиз гуруҳи кутиб олди. Президент улар билан самимий суҳбатлашди ва таҳсил ҳамда меҳнат фаолиятида муваффақият тилади.
Эслатиб ўтамиз, Шавкат Мирзиёев бундан олдин Қатарга амалга оширган ташрифини якунлаб, АҚШга саммитда иштирок этиш учун йўл олган эди. Ташриф доирасида АҚШ президенти Дональд Трамп, Конгресс вакиллари, вазирликлар раҳбарлари, шунингдек, етакчи америкалик компаниялар ва молия институтлари билан учрашувлар режалаштирилган.
Томонлар савдо-иқтисодий, инвестициявий ва гуманитар соҳаларда ҳамкорликни кенгайтириш масалаларини муҳокама қиладилар. Саммит якунида қатор икки томонлама ва кўп томонлама ҳужжатлар имзоланиши кутилмоқда.
Изоҳлар мавжуд емас