Ўзбекистон, Тошкент - Batafsil.uz. Ангрен яқинидаги А-373 "Тошкент - Ўш" халқаро автомобиль йўлида содир бўлган йирик ЙТҲда 7 киши ҳалок бўлди. ЙТҲ 7 сентябрь куни соат 12:20 ларда Ангрен шаҳридан ўтувчи автомобиль йўлининг 93-километрида содир бўлган.
Ички ишлар вазирлиги хабарига кўра, 44 ёшли ҳайдовчи бошқарувида бўлган цемент ташиётган Shacman русумли юк машинаси бошқарувни йўқотиб, темир йўл кесишмасида йўлда турган иккита юк машинаси ва бешта енгил автомобиль билан тўқнашиб кетган.
Зарба натижасида ёнғин келиб чиққан ва воқеа жойига етиб келган махсус хизматлар томонидан зудлик билан бартараф этилган.
Расмий маълумотларга кўра, ҳодиса жойида 7 киши ҳалок бўлган. Яна 5 нафар жабрланувчи турли тан жароҳатлари билан шифохонага ётқизилган, 4 нафарига тиббий ёрдам кўрсатилиб, уйига жавоб берилган.
Фожиа тафсилотларини ўрганиш учун бош вазир ўринбосари Очилбой Раматов бошчилигида ҳукумат комиссияси тузилди.
Изоҳлар мавжуд емас