Ўзбекистон, Тошкент – Batafsil.uz. Эколог-инспекторлар Бўзсув қирғоғидаги ўлик балиқларни тадбиркор ташлаб юборганини аниқлашган. Балиқлар у ерда қарийб икки ҳафта ётган. Бу ҳақда Экология вазирлигига таяниб мухбиримиз хабар бермоқда.
Бугун ижтимоий тармоқларда Чиноз тумани ҳудудидан оқиб ўтадиган Бўзсув каналининг ўлик балиқ билан қопланган қирғоғини акс эттирувчи видео пайдо бўлди. Тошкент вилояти экология бошқармасининг Сирдарё филиали инспекторлари воқеа жойига бориб, вазиятни ўрганишган.
"Видео биринчи январда суратга олинган. Балиқ эҳтимол қайсидир тадбиркор томонидан музлатилган ҳолда қирғоққа ташланган. Эътибор берсангиз, барча балиқлар катта ва бир хил калибрда. Бу уларнинг махсус жойда етиштирилганлигини кўрсатади. Бўзсув каналида бундай йирик балиқлар деярли учрамайди", - дея маълум қилишди мухбирмизга текшириш натижалари бўйича.
Ҳуқуқбузарнинг шахсини аниқлаш учун экологлар ички ишлар идораларига мурожаат қилишган. Шахс аниқлангандан сўнг, тегишли жазо чоралари кўрилади.
Изоҳлар мавжуд емас