Ўзбекистон, Тошкент - Batafsil.uz. Фарғона вилоятининг Фурқат туманида жиддий авария рўй берган. Йўл ҳаракати хавфсизлиги хизмати матбуот хизмати хабарига кўра, Damas ҳайдовчиси оралиқ масофани сақламаган ва юк машинаси билан тўқнашиб кетган.
Урилиш натижасида енгил автомобиль жиддий техник зарар кўрган. Ҳайдовчи ва йўловчиларни салондан олиб чиқиш учун қутқарувчилар махсус ускуналардан фойдаланишга мажбур бўлишган.
Афсуски, ҳодиса оқибатида икки киши воқеа жойида вафот этган. Яна бир йўловчи тиббиёт муассасасига етказилган ва реанимация бўлимида даволанмоқда.
Мазкур ЙТҲ юзасидан Жиноят кодексининг 266-моддаси (транспорт воситалари ҳаракати ёки улардан фойдаланиш хавфсизлиги қоидаларини бузиш) билан жиноят иши очилган. Тергов ҳаракатлари давом этмоқда.
Изоҳлар мавжуд емас