Ўзбекистон, Тошкент - Batafsil.uz. Фарғона шаҳридаги хусусий клиникалардан бирида Бош прокуратура ҳузуридаги Иқтисодий жиноятларга қарши курашиш департаменти ходими, 33 ёшли Муҳаммад Ҳусейнов вафот этди. У вилоят бошқармасининг тезкор вакили лавозимида ишлаган.
Эркак бурун соҳасида режали жарроҳлик амалиётини ўтказиш учун тиббиёт муассасасига мурожаат қилган. Қариндошларининг сўзларига кўра, у ўзини яхши ҳис қилган ва соғлиғидан шикоят қилмаган. Бироқ, муолажа бошланганидан кўп ўтмай вафот этди.
Бош прокуратура Batafsil.uz мухбирининг сўровига жавобан мазкур ҳолат юзасидан Фарғона вилояти прокуратураси томонидан терговга қадар текширув ўтказилаётганини маълум қилди.
Изоҳлар мавжуд емас