Ўзбекистон, Тошкент – Batafsil.uz. Фарғонада ҳаракатланаётган автомобил йўловчиси йўлга ахлат ташлаган. Ҳуқуқ-тартибот идоралари ходимлари ҳайдовчини топиб, у билан тушунтириш суҳбати ўтказишган ва жарима билан жазолашган.
ЙҲХХ ҳайдовчилар ва автомобил йўловчиларини йўллар ва йўл четларига ахлат ташламасликка чақирмоқда.
"Ташлаб юборилган ахлат нафақат атрофдаги табиатга зарар етказади, балки бошқа йўл фойдаланувчилари учун ҳам ҳақиқий хавф туғдиради. Орқа тарафдаги машина ғилдираклари остига тушган пакет ёки банка кутилмаган манёврга ёки ҳатто бахтсиз ҳодисага олиб келиши мумкин", – дейилмоқда идора хабарида.
Фуқаролардан ахлат қутиларидан фойдаланиб, атроф-муҳитга ва бошқа одамларга зарар бермаслик учун масъулият кўрсатишга чақирилган.
Изоҳлар мавжуд емас