Ўзбекистон, Тошкент - Batafsil.uz. Аввалроқ ижтимоий тармоқларда Тошкент-Сирдарё йўлида юк машинаси ёниб кетгани акс этган видео тарқалганди. Фавқулодда вазиятлар вазирлиги воқеа тафсилотларини маълум қилди.
Ёнғин М-34 Тошкент-Душанбе йўлининг 77-километрида, Сирдарё тумани Бахт шаҳри яқинида содир бўлган. Ёнғин ҳақида хабар 30 октябрь куни соат 12:43 да келиб тушган.
Олов кабина, кузов ва юкнинг бир қисмини қамраб олган. Воқеа жойига ёнғин-қутқарув экипажлари етиб бориб, ёнғин соат 13:15 да бартараф этилган.
Ҳодиса оқибатида тан жароҳати олганлар йўқ.
Ёнғин сабаблари ва етказилган зарар миқдори аниқланмоқда.
Изоҳлар мавжуд емас