Ўзбекистон, Тошкент - Batafsil.uz. Наманганда автомобиль йўловчиси қўлга олинди. Унда умумий қиймати 30 минг доллар бўлган қалбаки банкноталар борлиги аниқланди.
Бош прокуратура ҳузуридаги Иқтисодий жиноятларга қарши курашиш департаменти хабарига кўра, Тошкент-Наманган йўналишида ҳаракатланиб келаётган Laccetti русумли автомашина тўхтатилиб, текширилган. Текширув давомида йўловчининг ёнидан қалбаки 100 долларлик, жами 30 минг доллар купюралар топилган.
Мазкур ҳолат юзасидан Жиноят кодексининг 176-моддаси (қалбаки пул ясаш ва уни ўтказиш) билан жиноят иши қўзғатилиб, 25-моддаси (жиноятга тайёргарлик кўриш) билан жиноят иши қўзғатилган. Барча ҳолатларни аниқлашга қаратилган тергов ҳаракатлари олиб борилмоқда.
Эслатиб ўтамиз, аввалроқ ҳуқуқ-тартибот идоралари ходимлари Сирдарё вилоятида яшовчи фуқарони қалбаки 150 минг долларни сотишга урингани учун қўлга олганди.
Изоҳлар мавжуд емас