Ўзбекистон, Тошкент – Batafsil.uz. Сурхондарё вилоятида яшовчи бир киши спиртли ичимликлар учун пул беришдан бош тортгани учун ўз онасини болта билан ўлдирган. Бу ҳақда мухбиримиз хабар бермоқда.
Ҳодиса Денов туманида содир бўлган. 37 ёшли эркак онасидан спиртли ичимликлар учун пул талаб қилган. Аёл рад жавобини берган ва участка инспекторига мурожаат қилган. Буни билиб олган маст одам уйга бориб, онаси билан жанжаллашган ва можаро пайтида аёлни болта билан чопиб ўлдирган.
Судда фуқаро ўз қилмишини онасининг пул беришдан бош тортгани ва унинг устидан участка инспекторига мурожаат қилгани учун ғазаблангани билан изоҳлаган.
Жиноят ишлари бўйича Денов тумани суди эркакни Жиноят кодексининг 97-моддаси 2-қисмининг "б" ва "ж" бандлари ("Ночор аҳволда бўлган шахсни қасддан алоҳида шафқатсизлик билан ўлдириш") бўйича айбдор деб топган ва уни 18 йилга озодликдан маҳрум қилган. Жазони қаттиқ режимли колонияда ўташ белгиланган.
Изоҳлар мавжуд емас