Ўзбекистон, Тошкент - Batafsil.uz. Пхукетдаги косметология клиникаларидан бирида ноқонуний тиббий фаолият билан шуғулланган Ўзбекистон фуқароси қўлга олинди. Маҳаллий ҳокимият маълумотларига кўра, аёл тегишли рухсатномасиз қабул ўтказган.
Ҳибсга олиш 17 июнь куни Чалонг туманида Пхукет полицияси, иммиграция хизмати ва вилоят соғлиқни сақлаш бошқармаси томонидан ўтказилган қўшма тадбир давомида амалга оширилган. Текширув шуни кўрсатдики, клиника тиббий фаолият билан шуғулланиш учун лицензияга эга эмас, бироқ унда инъекция муолажалари ўтказилган. Воқеа жойида 13 дан ортиқ тиббий асбоб-ускуналар, жумладан, шприцлар мусодара қилинди.
Қўлга олинган аёлга нисбатан бир нечта моддалар бўйича тергов бошланди: лицензиясиз тиббий фаолият юритиш, тиббий асбоб-ускуналарни ноқонуний олиб кириш ва чет элликлар учун меҳнат қонунчилигини бузиш.
Пхукет ҳукумати фуқароларни ноқонуний клиникаларга мурожаат қилмасликка чақирди, чунки бундай хизматлар ҳаёт ва соғлиқ учун хавф туғдириши мумкин.
Изоҳлар мавжуд емас