Ўзбекистон, Тошкент - Batafsil.uz. Куни кеча Тошкент метрополитенининг Чилонзор йўналишида ҳаракатланаётган поездлардан бирида бўлган йўловчи вафот этди.
Гувоҳларнинг сўзларига кўра, "Пахтакор" метро бекатидаги ўриндиқлардан бирида устига мато ёпилган жасад ётган. Шунингдек, жасад устида ўлим вақти кўрсатилган қоғоз ҳам бор эди.
Пойтахт метрополитени матбуот хизматининг Batafsıl.uz мухбирига маълум қилишича, 23 июнь куни эрталаб соат 07:40 атрофида поездда бўлган йўловчилардан бири ўзини ёмон ҳис қилган. У Чилонзор йўналишидаги бекатлардан бирида мустақил равишда платформага чиққан.
Метрополитен ходимлари зудлик билан биринчи тиббий ёрдам кўрсатиб, тез тиббий ёрдам бригадасини чақиришган. Бироқ ўз вақтида етиб келган шифокорлар ва кўрилган чораларга қарамай, эркакни қутқариб қолишнинг иложи бўлмаган.
Жасад ўлимнинг аниқ сабабини аниқлаш учун суд-тиббий экспертизасига юборилган. Ҳозирда ҳодисанинг барча тафсилотлари аниқланмоқда.
Изоҳлар мавжуд емас